Bul álemdik talapqa saı ózgeriske betburys

«Nur Otan» partııasynyń Saıası taldaý jáne strategııalyq zertteýler ortalyǵynda «Qazaqstan: saıası jańǵyrýynyń jańa kezeńi» taqyrybynda dóńgelek ústel ótti. Halyqaralyq deńgeıdegi sheteldik sarapshylar men elimizdegi sarapshylyq uıym ókilderi qatysqan jıynda bılik tarmaqtary arasynda ókilettikterdi qaıta bólý jónindegi konstıtýsııalyq reforma máselesi talqylandy. Qazirgi kúni qoǵam arasynda konstıtýsııalyq ózgerister arqyly Prezıdenttiń birshama ókilettikterin Parlament pen Úki­metke berý, sot júıesin kú­sheıtý jáne Úkimettiń Parlament aldynda eseptiligin arttyrý jos­parlanyp otyrǵany belgili. Al mundaı qadam demokratııalandyrý jolyndaǵy saıası úderistiń barlyq qatysýshylarynyń jaýapkershiligin arttyratyn sheshim ekeni belgili. Osy oraıda, kemel keleshek úshin qolǵa alynyp jatqan jańashyldyqtarǵa shet­eldik sarapshylar men ǵa­lym­dar toby qandaı baǵa berýde? Jıynda sóz alǵan Parlament Májilisiniń depýtaty Nurlan Ábdi­rov Prezıdent ókilettigin bó­lý jobasy – zamanaýı ınstıtýt­tyq normatıvtik-quqyqtyq ak­ti­ler talabyna saı ári mundaı qa­dam qazirgi qoǵam kózqarasymen ún­­desetindigin bildirdi. «Demo­kra­tııaǵa jaqyndata túsetin osy se­kildi ádisterdiń jarqyn úlgi­lerin Eýropa elderinen baıqaýǵa bo­­lady jáne bul ózgeris eldegi par­­tııalardyń áleýetin odan saıyn arttyra túsedi», – dedi N.Áb­dirov. Sondaı-aq, otyrysta óz oıyn bildirgen Eýropalyq ıntegrasııa máseleleri ortalyǵynyń dırektory Iýrıı Shevsov, Baký Halyqaralyq mýltıkýl­tý­ra­lızm ortalyǵynyń keńe­sshi­si Tofık Abbasov, EAEO ınstı­týtynyń dırektory, Reseı Ǵylym akademııasy ǵyly­mı keńesiniń múshesi Vladı­mır Lepe­hın syndy sarapshy, ǵalym­dar sońǵy kezderi Qazaq­standa qyzý qolǵa alynyp jatqan jarqyn jobalar men tyń ózgeristerge jeteleıtin bastamalar eldiń damýyn odan saıyn ekpindete túsetindigin alǵa tartty. Sonymen qatar, jıynda El­basynyń Joldaýynda atap kór­setilgen ındýstrııalyq-ınnova­sııalyq damý baǵdarlamalary aıasynda sıfrly tehnologııalarǵa basymdyq berý de óte oryndy ekendigi aıtyldy. Qatysýshylar el damýyn eselendire túsetin mundaı jańashyl qadamdar osy kúnderi álemdik deńgeıde de óte ózekti bolyp tabylatyndyǵyn bildirip, bul baǵyt bolashaq úshin damýdyń dańǵyl joly ekendigin málimdedi. Nurlybek DOSYBAI, «Egemen Qazaqstan»