Ońtústik Qazaqstan oblysynda kásipkerlikti damytý maqsatynda 2 ınvestısııalyq forým ótedi, dep habarlady oblys ákimdiginiń baspasóz qyzmeti.
Jumystardy jandandyryp, jolǵa qoıý úshin jyl sońyna deıin 3 ınvestısııalyq forým ótkizýdi josparlap otyrǵanyn aıtqan Janseıit Qanseıtiuly onyń bireýi aqpan aıynyń basynda «Qazaqstan-Túrkııa» ınvestısııalyq forýmy retinde ótkenin eske saldy. 70 kompanııanyń jetekshileri qatysqan shara aıasynda 4 yntymaqtastyq jóninde memorandýmǵa qol qoıylǵan bolatyn.
Oblys basshysynyń málimetinshe, kelesi ekinshi forým sáýir aıynda ótpek. Onda Qazaqstan men Saýd Arabııasy elderiniń 40-tan kompanııasynan kelgen ókilderdiń qatysýymen eki jaqty kezdesý uıymdastyrylatyn bolady. Al mamyr aıynda "Ontustik Invest-2017" halyqaralyq ınvestısııalyq forýmy josparlanyp otyr. Oǵan 30 memleketten 700-ge jýyq delegat qatysady dep kútilýde.
Budan bólek, aımaq ákimi mashına jasaý, týrızm, aýyl sharýashylyǵy, toqyma, "Aqyldy qala" salalary boıynsha yntymaqtastyq ornatý, tájirıbe almasý maqsatynda Germanııa, Ulybrıtanııa, Grýzııa, Ispanııa, Italııa, Túrkııa, Reseı jáne t.b. memleketterine resmı sapar josparlanyp jatqanyn jetkizdi.
Investorlardyń Ońtústikte ornyǵýy úshin barlyq kómek kórsetiletin bolady.