Almatydaǵy úlken aınalma tas jolyna salynatyn ınvestısııa kólemi shamamen 350 mlrd teńgeni quraıdy. Bul týraly Baýyrjan Baıbek 2016 jylǵy Almaty qalasynyń áleýmettik-ekonomıkalyq damýyn qorytyndylaý jıynynda málimdedi.
«О́zderińiz biletindeı, kóshedegi kólik keptelisi kóptegen iri megapolısterde bar. Biz muny júıeli túrde sheshýdi kózdep, transporttyq reformany bastadyq. Elbasy tapsyrmasymen sońǵy 15 jylda 30 jol aıyryǵyn salýǵa 300 mlrd teńge jumsaldy. 2018 jyly aıaqtalatyn taǵy eki jol aıyryǵy negizgi kóshelerdegi keptelisti azaıtady», – dedi Baýyrjan Baıbek.
Sonymen qatar, ákim "Altyn Orda" bazary mańyndaǵy joldy keńeıtý jumystary bıyl bastalyp, kúrdeli kólik máselesin sheshetinin aıtty.
«Aınalma jol Batys Qytaı men Eýropa arasyndaǵy logıstıkalyq hab retinde Almatynyń ekonomıkalyq áleýetin arttyrady. Jobaǵa shamamen 350 mlrd teńge ınvestısııa salynady dep josparlanǵan. Bul jańadan myńǵa jýyq jumys ornyn ashyp, almatylyq kompanııalardy jumysqa tartady», – dedi ákim.