О́skemendegi Sol jaǵalaý mýzeı-qoryǵynyń haıýanattar baǵyna byltyr teńbil buǵylardyń tólderi ákelinip, eldi erekshe qýantqan edi. Týǵanyna úsh aı tolǵan tólder qazir kúıli, ózderin óte jaqsy sezinedi. Degenmen, teńbil buǵylar haıýanattar baǵyna kelýshilerden áli de jasqanatyndyqtan, aradaǵy temir torǵa asa jaqyn kele bermeıdi.
Al qulan tuqymdas qara ponı qulyny adamdardan qashqan emes. Alasa mástektiń tompıǵan tórtbaq tóli qarashadaǵy qyryq gradýstyq aıazǵa da shydamdy ekenin ańǵartty.
Qyzǵylt qoqıqaz bolsa, birneshe jyl boıy jalǵyzilikti ǵumyr keshken edi. Taıaýda baqta Fılıdiń (qoqıqazdyń aty) týysy paıda boldy. Qustardyń uzaq kóshinen qalyp qalǵan álsiz qustyń jaǵdaıyna alańdaǵan Serebrıansk qalasynyń turǵyndary ony haıýanattar baǵyna tapsyrypty.
– Ekinshi qoqıqaz óte jas bolsa-daǵy tez baýyr basyp aldy. Alaıda, jańadan kelgen qustyń tábeti zor eken. Fılıge arnalǵan ydystan kózin almaıdy. Qansha degenmen, jasy úlken emes pe, onyń bul qylyǵyna bizdiń qus keshirimmen qaraıdy, – deıdi mýzeı-qoryqtyń tabıǵat bóliminiń meńgerýshisi Zaınıtdın Shamshıev.
Dýman NURLANULY
О́SKEMEN