Avstralııanyń Melbýrn qalasyndaǵy Essendon áýejaıyna jaqyn mańdaǵy saýda ortalyǵyna ushaq qulap, 5 adam qaza tapty, dep habarlaıdy heraldsun.com. Qutqarýshylar apat kesirinen shyqqan órtti sóndirý jumystarymen aınalysyp jatyr. Al qaza tapqandardyń aty-jónderi men olardyń qaı eldiń azamattary ekeni áli belgisiz.
Aldyn ala málimetter boıynsha ushaq medısınalyq mekemege tıesili bolýy múmkin. Keıbir buqaralyq aqparat quraldary ushaqtaǵylardyń tórteýi týrıst degen boljam jasaýda. Tergeý jumystary jalǵasyp jatyr.