Qaraǵandyǵa Qorǵanys jáne aeroǵarysh ónerkásibi mınıstri Beıbit Atamqulov jumys saparymen kelip, «Taý-ken Temir» JShS-niń óndiris sehymen tanysty. Sonymen qatar, kásiporynnyń eńbek ujymymen Prezıdenttiń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýyn talqylady.
Capar aıasynda mınıstr «Saryarqa» AEA-da bolyp, onda «Steel manufacturing» jobasy qurylysynyń barysyn kórdi.
Elbasymyz Joldaýynda «Álemde kezekti, Tórtinshi ónerkásiptik revolıýsııa bastaldy» degen bolatyn. Jahanda tehnologııalyq ilgerileý jyl sanap emes, kún sanap alǵa basýda. О́zim óndiris salasynyń mamanymyn. Pesh túbinde turyp, temir balqytqandardyń biri – men. Temirtaýdaǵy «Karmetkombınatta» da ter tókken jyldarym qanshama. Qazir bári ózgergen. Kásiporyndarda avtomattandyrylǵan ortalyq dıspetcherlik pýnktter bar. On adamnyń qol kúshin jańa tehnologııa yǵystyrdy. Ilgerileý degen osy. Al damý – básekege qabilettilik, ónim sapasyn arttyrý máselelerine aıqyn bastama. Qazaqstan búginde jańa dáýirdiń aldynda tur. Álem barynsha damý ústinde. Adamzat balasy tórtinshi ónerkásiptik revolıýsııanyń dáýirine enýde. Bul degenimiz – joǵary bilim men tehnologııalarǵa negizdelgen aıryqsha ındýstrııalandyrý. Osy jaǵdaılarǵa baılanysty bizdiń elimizdiń basshysy Qazaqstannyń úshinshi jańǵyrýyn qamtamasyz etý mindetin qoıyp otyr», dedi B.Atamqulov.
Májilistiń qorytyndysy boıynsha kezdesýge kelgen barlyq qatysýshylar Prezıdenttiń Qazaqstan halqyna Joldaýyn bir kisideı qoldap, Qaraǵandy oblysy qoıylǵan mindetterdi iske asyrýǵa belsendi qatysatyndyǵyna senim bildirdi.
Mıras ASAN,
«Egemen Qazaqstan»
QARAǴANDY