Qarjy mınıstri Baqyt Sultanov Taraz qalasynda «Nur Otan» partııasynyń Jambyl fılıalynda azamattardy qabyldady. Azamattardy qabyldaý «Qazaqstannyń Úshinshi jańǵyrýy: jahandyq básekege qabilettilik» atty Joldaýyn Jambyl oblysynyń turǵyndaryna túsindirý sheńberinde ótkizildi.
Azamattardy qabyldaýdy ótkizý kezinde mınıstrdiń atyna ártúrli sıpattaǵy suraqtar kelip tústi. Azamattardy áleýmettik tólemder (zeınetaqy, járdemaqy), bilim berý, densaýlyq saqtaý, mádenıet jáne sport salalaryndaǵy obektiler qurylysy, áleýmettik jumys oryndaryn qurý máseleleri qyzyqtyrdy. Sonymen qatar, shaǵyn jáne orta bızneske salyq salý, kedendik rásimderdi jeńildetý saıasatyna, t.b. máselelerge qatysty suraqtar kóp qoıyldy.
Barlyq ótinish bildirgen azamattarǵa Qarjy mınıstri tıisinshe túsinikteme berip, usynylǵan qujattardy qarastyrdy jáne azamattar aıtqan máselelerdi sheshý boıynsha ári qaraı ne isteý kerek ekendigin túsindirdi.
Ol 2017 jyly 3 539,9 mlrd teńge nemese jalpy respýblıkalyq bıýdjettiń 41%-y áleýmettik salaǵa bólinetinin aıtty. 2017 jylǵy shyǵystardyń 94%-y nemese 3 319 mlrd teńge eń tómengi áleýmettik kepildikterdi qamtamasyz etýge jumsalady, al bul jurtshylyqqa medısınalyq kómek kórsetý (emhana, stansıonarlyq kómek jáne tegin dárimen qamtamasyz etý), kadrlardy ortasha jáne arnaýly, joǵary oqý oryndarynan keıin oqytyp daıyndaý, sondaı-aq, olardyń biliktiligin arttyrý, áleýmettik nysandar qurylysy jáne áleýmettik tólemderge baǵyttalatyn qarjy degen sóz.
Mınıstr salyq jáne kedendik ákimshilendirý rásimderin jeńildetý men Qazaqstanda bıznes júrgizý úshin jaǵdaılardy jaqsartý boıynsha Úkimet jospary týraly aıtty. Sondaı-aq, Baqyt Sultanov qabyldaýǵa kelgen azamattarǵa jeke ózine Qarjy mınıstrliginiń resmı saıtyndaǵy www.minfin.gov.kz blogy arqyly kez kelgen adam ótinish bildire alatynyn eskertti, dep habarlady Qarjy mınıstrliginiń baspasóz qyzmeti.