Bas hatshymen kezdesti

Qazaqstan Respýblıkasynyń Syrtqy is­ter mınıstri Qaırat Ábdirahmanov Ha­lyq­­aralyq kórmeler bıýrosynyń (HKB) Bas hatshysy Vısente Lossertalespen kez­­desti, dep habarlady Syrtqy ister mı­nıs­trliginiń baspasóz qyzmeti. Kezdesý barysynda taraptar Qazaqstan men HKB ara­syndaǵy yntymaqtastyqty odan ári damytý má­selelerin talqylady. Q.Ábdirahmanov Astana qa­lasynda ótetin EKSPO-20 17 halyqaralyq ma­mandandyrylǵan kórmesine daıyndyq pen ony ót­kizý týraly málimet berdi. Sondaı-aq, Qazaqstannyń bas dıplomaty As­ta­na kórmesi sheńberinde josparlanǵan mańyzdy is-sharalar týraly habarlady. Olardyń ishinde Shanhaı yntymaqtastyq uıymynyń sammıti men Islam yntymaqtastyǵy uıymynyń ǵylym jáne teh­nologııa jónindegi birinshi sammıti ótkiziletinin erek­she atady. О́z kezeginde V.Lossertales EKSPO-2017 kór­me­sin uıymdastyrýdaǵy qol jetkizilgen je­tis­tik­terdi jo­ǵary baǵalap, Qazaqstan Prezıdenti Nursultan Nazarbaevtyń kórme aıaqtalǵannan keıin onyń ın­fra­qurylymyn paıdalaný týraly bastamasynyń ma­ńyzy zor ekenin atap kórsetti. HKB Bas hatshynyń málimdeýinshe, mundaı Ha­lyq­aralyq IT-startap tehnoparki, «Jasyl» teh­no­lo­gııalar men ınvestısııalyq jobalardy damytý jó­n­indegi ortalyq jáne «Astana» Ha­lyq­ara­lyq qar­jy ortalyǵy EKSPO-2017 kórmesi ót­ki­zil­gen­nen keıin de óziniń uzaq merzimdik oń áserin be­retin bolady. Sonymen qatar, halyqaralyq uıym jetekshisi ús­timizdegi jyly Ekonomıkalyq yntymaqtastyq já­ne damý uıymy, Eýropalyq odaq pen Birikken Arab Ámirlikteri, Sıngapýr men Malaızııa elderiniń aza­­mattary úshin engizilgen vızasyz rejimniń ma­ńyz­dylyǵyn atap ótti. Kezdesý sońynda Qazaqstan syrtqy saıasat­ ve­­dom­stvosynyń basshysy V.Lossertaleske EKSPO-­­2017 halyqaralyq kórmesine qaty­sý­shy­la­ry úshin­shi­ jıynynyń sátti ótýine tilektestik bil­dirdi.