Agrarly aımaq bolyp tabylatyn - Ońtústik Qazaqstan oblysynyń egis kólemi osy jyly 72,4 myń gektarǵa ulǵaıtylyp, 861 myń ga jetkizý josparlanýda.
Sonymen qatar, óńirde ıntensıvti baý, jylyjaı, jańǵaq sharýashylyqtaryn damytý jumystary da belsendi túrde júrgiziletin bolady. Máselen, Qazyǵurt, Tólebı, Saıram aýdandarynda qarqyndy alma men jańǵaq baýlaryn, al Shymkent qalasy men Saryaǵash aýdanynda jylyjaı kesheni agroaımaqtaryn qosý kózdelýde.
Dástúrli baýlardan ortasha gektaryna 5-10 tonna ónim alynsa, ıntensıvti baýlardan 50-60 tonna ónim jınaýǵa múmkindik bar. Osyny eskergen dıqandar jańa tehnologııa boıynsha baýlardy kóbeıtýdi kózder otyr.
Iаǵnı, osy jyly ıntensıvti baýlardyń kólemi 8 myń ga ulǵaısa, jańǵaq kóshetteri 2,5 myń ga egiletin bolady. Al, jylyjaılar qosymsha 1 177 ga salynyp, 2 300 ga jetedi. Sonymen birge tamshylatyp sýǵarý ádisi 44 myń ga engiziledi. Osy atqarylatyn jumystardyń nátıjesinde aýyl sharýashylyǵynyń jalpy ónim kólemi 1,4 esege artyp, 624 mlrd. teńgege, eksporttyń úlesi 22 paıyzdan, 35%-ǵa kóteriledi dep josparlanýda.