Bıyl jańa Kedendik kodeks ázirlenetin bolady. Bul týraly Ulttyq ekonomıka mınıstri Tımýr Súıleımenov mınıstrliktiń alqa otyrysynda málimdedi, dep jazady strategy2050.kz.
«Ulttyq kedendik zańnamany Eýrazııalyq ekonomıkalyq odaqtyń Kedendik zańnamasyna sáıkestendirý maqsatynda jańa Ulttyq Kedendik kodeks ázirlenedi. Biz EýrazAEQ kedendik kodeksiniń normalaryn qoldanyp, qosymsha normalardy engizemiz», - dedi Tımýr Súleımenov.
Mınıstr ótken jyldyń 26 jeltoqsanynda Joǵarǵy Eýrazııalyq Ekonomıkalyq keńes Eýrazııalyq ekonomıkalyq odaqtyń kedendik kodeks týraly kelisim shartynan shyqqandyǵyn aıtty.
«Jumys úsh jyl boıy belsendi bıznes-qaýymdastyqty tartý boıynsha júrgizildi. Kedendik kodeks qajetti jańashyldyqtardy engizedi. Ol tranzıttik áleýetti jeńildetip, eldiń saýda baılanysyn damytady», - dedi vedomstvo basshysy.