Londondaǵy Imperial college ǵalymdarynyń aıtýynsha, kúnine 10 ret ár bóligi 80 gramnan turatyn jemis pen kókónis jeý ómirdi uzartýǵa septigin tıgizedi, dep jazady VVS.
Kúnine 200 gramm kókónis pen jemis-jıdek:
júrek-qan tamyry aýrýlaryn 13%-ǵa, qaterli isik aýrýlaryn 4%-ǵa, sebepsiz ólim qaýpin 15%-ǵa tómendetedi. 800 grammov kókónis pen jemis-jıdek: júrek-qan tamyry aýrýlaryn 28%-ǵa, qaterli isik aýrýlaryn 13%, sebepsiz ólim qaýpin 31%-ǵa tómendetedi. Bir aıta keterligi, ǵalymdar bul qorytyndyǵa kelmes buryn 95 túrli zertteýler júrgizip, 22 mln adamnyń tamaqtaný rasıonyn eskergen. Al zertteý qorytyndylary International Journal of Epidemiology jýrnalynda jarııalandy. Sonymen qatar ǵalymdar keıbir aýrýlardyń aldyn alatyn jemis-jıdekterdi ataǵan. Mysaly, jasyl nemese sary kókónister, burysh pen saýmaldyq, gúldi qyryqqabat qaterli isikti boldyrmaıdy. Al júrek-qan tamyry aýrýlaryn boldyrmas úshin alma, almurt, sıtrýs pen salattar kóp tutynǵan jón. Zertteý nátıjeleri taǵy bir márte kórsetkendeı, jemister men kókónister holesterınniń deńgeıin tómendetip, qan qysymyn boldyrmaýǵa, adamnyń ımmýnıtetin arttyrýǵa kómektesedi. Esterińizge sala ketsek, Dúnıejúzilik densaýlyq saqtaý uıymy kúnine 5 ret jemis-jıdek pen kókónis jeýdi usynady.