Qarjy mınıstri Baqyt Sultanovtyń aıtýynsha, 2017 jyldyń sońyna qaraı Qazaqstanda memlekettik satyp alýlar ədettegideı jyl basynan keıin birneshe aıdan soń emes, qarjylyq jylmen qatar bastalýy múmkin, dep habarlaıdy QazAqparat.
«Endi eń birinshiden, bıýdjettiń sapasyn arttyrýǵa kóńil bólemiz. Barlyq deńgeıinde jumys júrgizilýi kerek. Eń aldymen, bıýdjet durys josparlaýdan bastalady. Sondyqtan, kelgen ótinishterdiń tıimdiligine qarap, baqylaý kúsheıedi»,-deıdi Baqyt Sultanov.
Qarjy mınıstriniń aıtýynsha, memlekettik baǵdarlamalardyń oryndalýyna birinshi kúnnen bastap mən berilip, memlekettik satyp alý týraly zańǵa saı, konkýrsant birden bastalýy múmkin.
«Mysaly, byltyrdan bastap memlekettik satyp alý týraly zań shyqty. Bıýdjettik kodekske ózgerister engizildi. Soǵan səıkes, qarjylyq jyl bastalmaı turyp, konkýrstardy bastaýǵa múmkindik bar. Sondaı jumystardy ər memlekettik mekeme ýaqytyly júrgizýi kerek. Bul úrdis 2017 jyldyń qarasha-jeltoqsan aılarynda bastalýy múmkin»,-deıdi Sultanov.