Qazaqstannyń Tájikstandaǵy Elshisi Nurlan Seıtimov Tájikstan Respýblıkasynyń Syrtqy ister mınıstri Sırodjıddın Aslovpen kezdesti, dep habarlady Syrtqy ister mınıstrliginiń baspasóz qyzmeti.
Kezdesý barysynda Tájikstan men Qazaqstannyń ekijaqty jáne kópjaqty yqpaldastyqtyǵynyń ózekti máseleleri talqylandy. Qazaqstan Elshisi Qazaqstan Respýblıkasynyń Prezıdenti Nursultan Nazarbaevtyń atynan Tájikstan Respýblıkasynyń Prezıdenti Emomalı Rahmonnyń atyna 2017 jylǵy 10-11 qyrkúıekte Astana qalasynda ótetin Islam yntymaqtastyǵy uıymynyń Bilim jáne tehnologııalar jónindegi birinshi sammıtine qatysý úshin shaqyrýyn tabys etti.
E. Rahmonnyń jumys kestesi Sammıtke jeke qatysýǵa múmkindik beretindigine úmit bildirdi.
Budan keıin Elshi Mınıstrdi Qazaqstandaǵy memlekettik bılik arasyndaǵy ókilettikterdi qaıta bólý máseleleri boıynsha Halyqqa úndeý jáne «Qazaqstannyń úshinshi jańǵyrýy: jahandyq básekege qabilettilik» atty Joldaý mazmunymen tanystyrdy.
Atap aıtqanda, aldaǵy reformalaý barysynda Memleket basshysy óziniń 40-qa jýyq ókilettilikterin Parlament pen Úkimetke beretini ataldy. Prezıdent úshin jańa jaǵdaılarda strategııalyq mindetter, bılik butaqtary arasyndaǵy joǵary tóreshi róli basymdyq bolady. Sonymen birge, Prezıdent syrtqy saıasat, ulttyq qaýipsizdik jáne eldiń qorǵanys salasyn qadaǵalaıdy. Bul oraıda Parlament pen Úkimettiń róli arta túsedi. Sondaı-aq, Joldaý aıasynda Memleket basshysy eldiń jahandyq básekelestikke qabilettiligin qamtamasyz etetin ekonomıkalyq ósýdiń jańa úlgisin jasaý mindettemelerin qoıdy.
Suhbat sońynda qazaqstandyq dıplomat S. Aslovqa kezdesý úshin alǵysyn bildirip, qazaqstan-tájikstan qarym-qatynastaryn strategııalyq áriptesik rýhynda nyǵaıtý isindegi jemisti yntymaqtastyqqa daıyndyǵyn jetkizdi.