Ulttyq kásipkerler palatasy ken ıgerý ónerkásibiniń damý maqsattaryn anyqtady. "Atameken" QR UKP Tóralqa Tóraǵasy Tımýr Qulybaev Taý-ken jáne metallýrgııa ónerkásibi komıtetiniń tóraǵasymen ótken jumys kezdesýi barysynda salany damytý máselelerin talqylady, dep jazady palata.kz.
«Geologııalyq barlaý Qazaqstanda 20 myń adamdy biriktirgen kásibı ári básekege qabiletti sala bolǵany anyq. Qazir árıne tereń saraptama jasaý ádisterdi, geologııalyq zertteýlerdi úlgileýdi qoldanatyn tehnologııalar damyp ketti. Bizde geologııalyq ǵylym artta qalyp otyr. Qazir ken ıgerý kompanııalaryn geologııaǵa múmkindik berip otyrmyz. Bul meni alańdatyp otyrǵan jaǵdaı. О́ıtkeni, jumysty kim isteıdi? Taǵy sheteldik kompanııalardy shaqyramyz ba? О́kinishke oraı, biz mamandarymyzdy joǵalttyq, tájirıbemiz azaıdy. Bárin qalpyna keltirýimiz kerek. О́ıtkeni, geologııa – Qazaqstan úshin úlken bıznes», – dedi Tımýr Qulybaev.
«Atameken» QR UKP Tóralqasynyń Taý-ken jáne metallýrgııa ónerkásibi komıtetiniń tóraǵasy Nıkolaı Radostovestiń aıtýynsha, energetıkalyq naryqtyń anyq strategııasynsyz ekonomıka salalaryn ary qaraı damytý múmkin emes. Ken ıgerý sektorynyń negizgi problemalary: salyq zańnamasyna ózgertýler engizý, temir jol tasymaly men gaz tasymaldaý qyzmetteri baǵasynyń ósýine áser etetin shyǵyndardy tómendetý, jańartylatyn energııa kózderi salasyndaǵy zańnamany jetildirý.
«Atameken» UKP basshysy atap ótkendeı, tarıftiń qurylýy qosymsha qýattardyń qosylýyna, energotıimdilikti joǵarlatýǵa tikeleı baılanysty.
«Aldaǵy on jyldyqta salanyń qajettiligin men energoqýattylyǵynyń kólemin anyqtaý qajeti. Elimizde energotıimdiligi máseleleri áli qolǵa alynǵan joq. Negizi bul jerde úlken rezerv bar. Biz óndirisimizdiń elektroenergııany tutynýdy jáne energotıimdiligin jaqsartyp alamyz. Onyń arqasynda artyq qýat bolady», – dedi Tımýr Qulybaev.