Soltústik Irlandııanyń jeńil salmaqtaǵy boksshysy Raıan Barnett (15-0, 9 KO) WBA (Super) jáne IBO tujyrymdary boıynsha álem chempıony qazaqstandyq Janat Jaqııanovqa (27-1, 18 KO) qarsy aıqasqysy keletinin málimdedi. Bul týraly vringe.com habarlady.
«Bir kezderi Jaqııanovpen Hettonnyń zalynda jattyqqanmyn. Sharshy alańda oǵan qarsy turý ońaı emestigin baıqadym. Sol sebepti Janatpen kezdeskisi kelmeıtinderdiń qatary az emes. Biraq men onymen jattyǵýda emes jurt aldynda kúsh synassam deımin. Ony jeńýge qabiletim jetkilikti dep oılaımyn», – dedi 24 jastaǵy boksshy.
«Adam Býttyń qol astynda júrip biraz nárseni úırendim. Ýaqyt sozbaı Janat ekeýimiz judyryqtassaq deımin», – dedi ol.
Jaqııanov birer apta buryn amerıkalyq Roýshı Ýorrendi tóreshilerdiń sheshimimen jeńip, WBA (Super) jáne IBO belbeýlerin ıelengen.
«Raıan ekeýimiz bul jóninde sóılestik. Ol rasymen de qazaqstandyq boksshymen judyryqtasqysy keledi. Rıngte qandaı qıyndyqtarǵa tap bolatynyn da jaqsy biledi. Biraq óz kúshine senimdi bolǵannan keıin Janatty ashyq túrde jekpe-jekke shaqyryp otyr», – dedi Barnettiń jattyqtyrýshysy Adam Být.