Qarjy mınıstri Baqyt Sultanov vedomstvonyń keńeıtilgen otyrysynda 2017 jylǵa arnalǵan basym sharalarmen bólisti.
"Bıylǵy jyly Elbasynyń Joldaýyna qatysty mindetterdi naqty anyqtaıtyn bolamyz, sondaı-aq, Úkimettiń 2017 jyldyń 3 aqpanynda Úkimet otyrysyndaǵy talaptar qolǵa alynady. Birinshiden, 2018-2020 jyldarǵa arnalǵan bıýdjetti daıyndaýda baqylaý kúsheıtiledi", - dedi mınıstr. Bul týraly strategy2050.kz habarlaıdy.
Ekinshiden, vedomstvo basshysy aıtyp ótkendeı, bıýdjet pen ony oryndaý úderisteriniń oryndalýy qatań baqylaýǵa alynatyn bolady. «Úshinshiden, kásipkerlik shyǵyndy túsirý úshin salyqtyq-keden salasynda jeńildetilgen sharalar qoldanylady. Bunyń barlyǵy aqparattyq júıeni kezeńdik engizý jolymen júzege asyrylady. Tórtinshiden, memlekettik satyp alý salasynda zańnamany jetildirý boıynsha sharalar júzege asyrylady», - dedi mınıstr. Mınıstr 2018 jyldyń sońyna deıin kásiporyndardy jekeshelendirý sharasyn aıaqtaý qajettigin aıtty.