Qazaqstandyq kásipqoı boksshy qyz Fırýza Sháripova kishi Floıd Meıýezerdiń boks akademııasynda jekpe-jek aldyndaǵy ashyq jattyǵýyn ótkizdi.
Qazaqstandyq boksshynyń kezekti qarsylasy 22 jastaǵy reseılik Iýlııa Chernoborodova bolatyny keshe ǵana belgili boldy. Al urys 4 naýryz kúni Máskeýde ótedi.
Fırýza Reseı astanasyndaǵy «Boks akademııasynda» Sergeı Kýbyshevtiń qol astynda sońǵy birneshe apta boıy daıyndaldy.
Aıta keteıik, qazaqstandyq boksshynyń aldaǵy kezdesýi tıtýldyq jekpe-jek bolýy tıis edi. Biraq menedjeri Sergeı Zavıleıskıı ekeýi reıtıngtik aıqas ótkizýdi jón kóripti. Degenmen de ol Astanadaǵy EKSPO kórmesinde uıymdastyrylatyn boks keshinde álem chempıondyǵy ataǵy úshin synǵa túsýi múmkin.