Elektronıka men qosalqy tehnıka bólshekterin jasaýda aty shyqqan memleket Astanada ótetin «Ekspo-2017» kórmesine 50-ge tarta kompanııasyn jiberýdi josparlap otyr. Bul aqparatty búgin elimizdiń Malaızııadaǵy Tótenshe jáne ókiletti elshisi Danııar Sarekenov málimdedi, dep jazady Habar24.
Tehnologııa salasyndaǵy sońǵy jetistikterin pash etýge daıyndalyp jatqan Malaızııa eli Qazaqstanmen quny bir mıllıard dollarǵa teń uzaqmerzimdi qarym-qatynas jóninde kelisim jasasqan. Qazir munaı men gazdy ıgerý salasynda Malaızııalyq mamandar Mańǵystaýda jumys istep júr.
"Qazir mal sharýashylyǵyn damytýǵa baǵyttalǵan joba sátti jumys isteı bastady. Bolashaqta jańa transport dálizderin ashý arqyly eki el arasyndaǵy taýar aınalymyn arttyrýǵa múmkindik bar. Sebebi Malaızııa kompanııalary Qazaqstanda jumys isteýge qyzyǵýshylyq tanytyp otyr", - deıdi QR Malaızııadaǵy Tótenshe jáne ókiletti elshisi Danııar Sarekenov.