Bolashaqqa bastaıtyn senim kópiri

Qalyptasqan dástúr boıynsha, jyldyń basyn­da qazaqstandyqtar El­basynyń kezekti Joldaýyn kútedi. Jalpy, joldaý kóp­tegen elde bar, biraq Qazaq­stan Prezıdenti N.Nazarbaev Joldaýdyń erekshe formasyn jasady – ol barsha halyqqa arnal­­­ǵan. О́ziniń maǵynasy bo­ıyn­sha Qazaq­stan halqyna Joldaý bel­gili bir demokratııalyq basqarý for­ma­syn beredi. Odan keıin halyq­tyń keleshekke basshylar qurǵan jos­parǵa qatynasy anyqtalady. My­saly, el óziniń aldyna qoıylǵan eń bıik maqsattaryna jetý úshin mem­le­kette jáne qoǵamda qandaı erek­she­likter bolatyndyǵy, qandaı kezeń­derden ótetini degen sekildi. Pre­zı­denttiń ár Joldaýy qujat ári baǵdar­lama jáne ómirdiń shynaıy tynys-tirshiligi qamtylǵandyqtan, keshegi, búgingi, erteńgi ómirimizdiń naqty aınasy. Jyl saıynǵy Joldaý úılesimdi sulba boıynsha turǵyzylady: basynda Prezıdent ótken jyl bo­ıynsha jetken jetistikterdi jet­kizedi jáne keleli máselelerge toq­talady. Sodan keıin Úkimetke jáne Parlamentke ýaqyttary jáne basqa parametrleri belgilengen naq­ty tapsyrmalar beredi. Jyl boıy Qazaq­stan qoǵamy Elbasynyń tapsyrmalarynyń oryndalyp jat­qan­dyǵyn kórip otyrady – bul zańdardaǵy ózgerister, Úkimettegi sheshimder, ortalyq jáne jergilikti atqarýshy organdardyń is-áreketi. Ár Joldaý memlekettik organ­dardyń basshylary, Parlament jáne ár deńgeıdegi máslıhat­tar depý­tattary, qoǵam ókilderi, buqaralyq aqparat quraldarynyń aralasýymen túsindirilip otyra­dy. Sondyqtan bizdiń qoǵamda Úki­met­tiń jáne jergilikti atqarý­shy or­gan­dardyń is-áreketi aldaǵy min­det­ter­di oryndaýǵa baǵyttalǵandy­ǵ­y­na, Elbasy Joldaýynyń kózde­gen maqs­atynyń ómirsheńdigine, ekono­mıkany kóterýge, qaýipsiz­dikti bekitýge jáne halyq ómiriniń jaqsarýyna baǵyttalǵanyna senim zor. Ár jolǵy Joldaýda jyl saıyn jetken jetistikterdi esepke ala otyryp, qorshaǵan ortany shynaıy ózgertý úshin kelesi kezeńge jańa tapsyrmalar qoıady. Dúnıe júzinde kóptegen elderdiń ekonomıkasynda daǵ­darys, jumyssyzdyq jáne qoǵam­dyq qarbalas bolyp jatqan kezde, Joldaýda júktelgen mindetter men tapsyrmalar júzege asyrylyp, Qazaqstan ózindik damý jolyn laıyqty jalǵastyryp keledi. Dúnıe júzindegi qarjylyq-ekonomıkalyq daǵdarys kezinde Qazaqstanda je­del­detip damytý baǵdarlamalary qabyl­dandy, kóptegen jańa óndiris oryndary ashyldy, óńirlerdegi ınfraqurylymdar jaqsardy. Mańǵystaý oblysynyń tótenshe jaǵdaılar departamentiniń basshy­lyǵy osydan shamaly ýaqyt buryn qalalyq jáne aýdandyq tótenshe jaǵdaılar bólimshelerine shyqty jáne jeke quram aldynda Mem­leket basshysynyń «Qazaqstan­nyń Úshinshi jańǵyrýy: jahandyq básekege qabi­lettilik» atty Jol­daýyn túsin­dirip qaıtty. Túsin­dirý jumys­tary bary­synda azamattyq qorǵaý qyz­metkerlerine Memleket basshy­synyń Joldaýymen birge, «Qazaqstan-2050» Strategııasy­nyń jáne «100 naqty qadam» Ult josparynyń negizgi basymdyq­tary týraly da aıtyldy, son­daı-aq, sybaılas jemqorlyqpen kúres, densaýlyq saqtaý, bilim berý jáne azamattardy áleýmettik qor­ǵaý, Tótenshe jaǵdaılar komıteti sheń­berinde tabıǵı jáne tehnogen­dik sıpattaǵy halyqty, aýmaqty qor­ǵaý­dy qamtamasyz etýdegi ba­sym maqsat­tar men tapsyrmalar jetkizildi. Árbir salada júrgizilip jatqan jumystardyń qaınar kózi men bas­taýy da, odan ári damýy men jań­ǵyrýy da Elbasynyń jyl saıynǵy Jol­daýlarynda jatqany anyq. Qýanar BAZARBAEV, Mańǵystaý oblysy tótenshe jaǵdaılar departamentiniń bastyǵy, azamattyq qorǵaý polkovnıgi Mańǵystaý oblysy