Google-diń ıesi Alphabet Inc kompanııasy Uber servısin sotqa berdi, - dep habarlaıdy BVS. Basylymnyń habarlaýynsha, kompanııa Uber pılotsyz kólikterde qoldanylatyn lıdar tehnologııasyn (lazer lokatory) urlady dep kúdiktenýde.
Google kompanııasynyń eks-qyzmetkeri Entonı Levandovskı qyzmetinen ketýiniń aldynda Waymo júıesiniń túrli apparatynyń arnaıy syzbalary bar 14 myńnan asa qupııa faıldy urlap alǵan. Onyń ishinde lıdar syzbasy da bar. Keıin ol bul materıaldardy Uber-degi startapynda qoldana bastaǵan. Al Alphabet Inc. pılotsyz avtomobılderge arnalǵan tehnologııa óndirýge mamandanǵan Waymo kompanııasyn qurǵan bolatyn. Bul kompanııa Uber-di jáne Google-diń burynǵy qyzmetkerlerin lıdar júıesin urlady dep aıyptaǵan.
"Bul áreketterdi Waymo-nyń zııatker múlkin jáne kommersııalyq qupııalaryn ıelený maqsatyndaǵy naqty jospar boldy dep esepteımiz", - deıdi Google ókilderi.