QR Premer-Mınıstriniń Birinshi orynbasary Asqar Mamın Tashkentke jumys sapary barysynda О́zbekstannyń Prezıdenti Shavkat Mırzııoevpen kezdesti, dep habarlady QR SIM.
Taraptar saýda-ekonomıkalyq baılanystardyń barlyq spektri boıynsha elder arasyndaǵy yntymaqtastyq perspektıvalaryn talqylady.
«Qazaqstan Ortalyq Azııa óńirinde О́zbekstannyń iri strategııalyq saýda áriptesi bolyp tabylady», – dedi Prezıdent Sh. Mırzııoev.
Premer-Mınıstrdiń Birinshi orynbasary A. Mamın Memleket basshysy Nursultan Nazarbaev О́zbekstanmen yntymaqtastyqty damytýǵa erekshe nazar aýdaratynyn atap ótti.
A. Mamın ózbek áriptesterimen júıeli negizde jumys júrgizilip jatqanyn habarlady. Agroónerkásip kesheni, hımııa jáne munaı-hımııa ónerkásibi salalarynda birlesken saýda úıleri ashylyp, ózara jetkizilimder nomenklatýrasy ulǵaıǵan. Yntymaqtastyqtyń avtomobıl jasaý, týrızm, munaı-hımııa sııaqty jańa salalary aıqyndalǵan.
«Birqatar ınfraqurylymdyq jobalar boıynsha naqty kelisýler bar, sonyń ishinde avtobýs jáne áýe qatynasyn ashý. Jýyq arada Almaty – Tashkent jedel temirjol qatynasy iske qosylady. Qazaqstan men О́zbekstan arasyndaǵy áskerı jáne áskerı-tehnıkalyq yntymaqtastyq salasyndaǵy yntymaqtastyqty retteý týraly kelisýshilikterge qol jetkizildi», – delingen habarlamada.
2016 jyly ózara saýda kólemderi aqshalaı kóriniste 40% artqan. 2020 jylǵa deıin osy kórsetkishti 1,6-dan 5 mlrd dollarǵa deıin ulǵaıtý mindeti qoıylǵan.