Astanada memlekettik-jeke menshik seriktestik negizinde tórt otbasylyq jataqxanany salý josparlanyp otyr, dep habarlaıdy QazAqparat.
«Iá, qazirgi kezde ondaı jospar bar. Tórt jataqxananyń jobasy ázirlenip jatyr. Bir jataqxana sportshylarǵa, ekinshisi - mádenıet salasynyń qyzmetkerlerine, úshinshisi - ata-anasyz qalǵan balalarǵa, al tórtinshisi medısına mamandaryna salynady degen jospar bar. Oǵan bıýdjet salasynyń basqa da qyzmetkerleriniń otbasylaryn kirgizý máselesin qarastyryp jatyrmyz. Jataqxanalarda bolatyn oryndardyń jalpy sanyn ázirshe aıta alaımyz. Sebebi bunyń bári áli joba kúıinde bolyp tur», - dedi «Astana Innovation» AQ memlekettik-jeke menshik seriktestik jónindegi basqarýshy dırektor Janar Musataeva.
Onyń aıtýynsha, atalǵan qurylys nysandary memlekettik- jekemenshik seriktestigi negizinde salynatyndyqtan, bıznes úshin negizgi tabys kózderin belgilep alǵan jón. Sondyqtan búginde otbasylyq jataqxanalardy barynsha kommersıalızasııalaý, ıaǵnı odan túsetin paıda kózderin arttyrý máselesi pysyqtalyp jatyr.