Ońtústik Qazaqstan oblysynyń ákimi Janseıit Túımebaev kóktemgi sý tasqynynyń aldyn alý jumystarymen tanysý maqsatynda Syrdarııa ózeni jáne Shardara sý qoımasy men Kóksaraı sý rettegishin tikushaqtan sholyp ótip, Maqtaaral aýdanynda tasqyn zardaptaryn joıý jónindegi qurylǵan shtabtyń esebin tyńdady.
Aıta ketıik, 16-19 aqpan kúnderi oblysta jaýǵan nóserli jaýynnyń saldarynan Maqtaaral aýdany turǵyndarynyń úı aýlalaryn sý basqan bolatyn. Osyǵan baılanysty aýdanda tótenshe jaǵdaılardyń aldyn alý boıynsha arnaıy shtab qurylyp, táýlik boıyna úzdiksiz jumystar júrgizdi.Shuǵyl atqarylǵan jumystardyń nátıjesinde aýdan boıynsha 90696 tekshe metr sý soryldy. Al sýlardy ketirý úshin 715 metr or qazylyp, uzyndyǵy 30 metr jaǵalaýlarda nyǵaıtý jumystary júrgizildi.
Aýdanǵa jasaǵan sapary barysynda oblys ákimine tolassyz jaýǵan jaýynnyń saldarynan Atakent kentiniń Qajymuqan, S.Muqanov, Seıfýllın kósheleri boıynda ornalasqansý basqan úılerdiń aýlalaryn tazartý boıynsha atqarylǵan jumystardy Maqtaaral aýdanynyń ákimi Ǵ.Ismaılov baıandady. Onyń aıtýynsha, sý basý negizinen Atakent kentine jaqyn ornalasqan maqtalyq alqaptarda jappaı sor shaıý jumystarynyń júrgizilýi men jer asty sýlarynyń kóterilýi jáne ıesiz qalǵan sý arnalarynyń tazartylmaýynan oryn alǵan.
«Tolassyz jaýyn-shashyn saldarynan kanaldar tolyp, aǵyn sý turǵyn úılerge tasyǵan. Buǵan bir sebep retinde sý arnalarynyń ishin qamys basyp, saz balshyqtyń tazalanbaýyn aıtýǵa bolady. Kanaldyń qorǵanys bógetterindegi jaǵalaýlardyń 1-2 shaqyrym kólemindegi topyraǵyn jergilikti turǵyndar alyp, qurylys jumystaryna paıdalanǵan»,-dedi aýdan ákimi.
Osy rette, aımaq basshysy sý tasý qaýipsizdik sharalaryn saqtamaǵan sý arnalarynyń menshik ıelerine eskertý berýdi jáne ıesiz qalǵan sý arnalaryn memleket menshigine ıaǵnı, «Qazsýshar» mekemesiniń quzyryna berýdi, ony tazalaý, retteý jumystaryn júrgizýdi tapsyrdy. Sondaı-aq, jer asty sýlardy retteý maqsatynda barlyq drenajdardyń jumys isteý qabiletin qaıta qalpyna keltirip, olardyń durys deńgeıde kútip ustalýyn jáne paıdalanýyn qamtamasyz etýdi júktedi.
Munan soń, ákim Shardara sý qoımasy men Kóksaraı sý rettegishiniń búgingi jaı kúıimen tanysyp, jaýapty sala mamandaryna aıaq asty bolýy múmkin tasqyn sýǵa saqadaı saı bolý qajettigin eskertti.
«Qazgıdromet» aýa-raıyn boljaý ortalyǵynyń málimetine súıensek, kóktemde kóp mólsherde jaýyn-shashyn kútilýde. Búgingi aralaýdyń maqsaty da osy tabıǵı qaýiptiń aldyn alý bolyp tabylady. Iаǵnı, tótenshe jaǵdaılardyń aldyn alý men olardy joıý sharalary sala jetekshileriniń nazarynda.
«Búgin kóktemde kóp mólsherde jaýatyn jańbyrǵa baılanysty sý tasqyny bolýy múmkin ózenderge basa nazar aýdaryp otyrmyz. Sondyqtan, aýdan ákimderi men tıisti sala basshylaryna turaqty monıtorıng jumystaryn júrgizip otyrýdy tapsyramyn. Keıde sınoptıkter boljamaǵan jaıttar oryn alyp jatady. Sondyqtan, Sizder, árdaıym daıyn bolýlaryńyz qajet», - dedi óńir basshysy J.Túımebaev sý qoımalarynyń jaǵdaıymen tanysý barysynda.
«Qazsýshar» memlekettik mekemesiniń málimdeýinshe, Syrdarııa ózeninen sý tasý qaýpi joq. Jaǵdaı turaqty.
«Búgingi tańda Shardara sý qoımasyna táýligine 1500 tekshe metr sý kelýde. Odan 1200 tekshe metr sý shyǵyp jatyr. Al 250 tekshe metr sý jınalýda. Iаǵnı, sý qoımanyń deńgeıi táýligine 3 sm kóterilýde. Bul qalypty jaǵdaı. Jalpy sý qoımaǵa jınalǵan sýdyń kólemi 4 mlrd. 293 mln. tekshe metrdi qurap otyr. Jınalǵan sýdyń 400 tekshe metri Arnasaı sý qoımasyna tastalynýda. Sonymen qatar, Shardara sý qoımasynan 500 t.m. sý Kóksaraıǵa, al 350 t.m. sý Syrdarııa arqyly Qyzylordaǵa jiberilýde»,-dedi «Qazsýshar» RMK OQO fılıalynyń bas ınjeneri T.Baltıkov.
Kóksaraı sý rettegishi Syrdarııa saǵasymen joǵarydan aǵyp keletin sýdy qansha bolsa da qabyldap alýǵa daıyn. О́ıtkeni, syıymdylyǵy 3 mlrd. tekshe metrden asatyn nysanda jınalǵan sý búginde 75 paıyzdy quraıdy.
Búginde kórshi О́zbekstan memleketinen táýligine 1500 tekshe metr sý kelip jatsa, 1 naýryzdan keıin bunyń kólemi tómendeıtin bolady. Iаǵnı, Ońtústik Qazaqstan oblysyndaǵy eldi mekenderge sýdan keler qaýip joq.