Sınoptıkter demalys kúnderi aýa raıy qandaı bolatynyn aıtty, - dep habarlaıdy Qazgıdromet. Mamandardyń aıtýynsha, aldaǵy táýlikterde Sibir antısıklonynyń taramdary Qazaqstannyń shyǵys bólikterinde jaýyn-shashynsyz aýa raıyn saqtap turady.
"Edil men Kaspıı teńiziniń ońtústiginen, Qazaqstan aýmaǵy arqyly batystan shyǵysqa qaraı jyljyǵan atmosferalyq fronttar qaıtadan shabýyldap, qar jaýdyryp, kóktaıǵaq qubylystaryn týdyryp, joldardy tumanmen, qarmen basyp tastaıdy", - deıdi sınoptıkter.
Al respýblıkanyń ońtústigindegi kúndizgi 3-10 gradýs temperatýra kezinde jaýyn-shashyn jańbyrmen bastalady, biraq temperatýranyń túsýine baılanysty arty qarly boranǵa aınalady eken. Sondaı-aq bul jerlerde kóktaıǵaq, kóriný tómendigi 100-500 metrge deıin tuman bolady dep kútiledi eken. Aýa temperatýrasy ádettegideı 3-8 gradýsqa klımattyq mánderden joǵary bolatyn kórinedi.