Japonııanyń Sapporo qalasynda ótip jatqan VIII qysqy Azııa oıyndarynda el qorjynyna kezekti qola júlde tústi.
Shańǵymen tramplınnen sekirý jarysynda 255.3 ball jınaǵan japonııalyq Naokı Nakamýra birinshi orynǵa ıe bolsa, kúmis onyń otandasy Iýken Ivasaǵa (247.7) buıyrdy. Al úzdik úshtikti qazaqstandyq Marat Japparov (245.7) túıindedi.
Sonymen qatar, el atynan synǵa túsken Sergeı Tkachenko (228.0) altynshy orynnan kórinse, Konstantın Sokolenko (179.2) jarysty onynshy bolyp aıaqtady. Al Sabyrjan Múminov (171.5) on ekinshi orynmen shekteldi.
Aıta keteıik, Qazaqstan qorjynyna osymen 19 medal tústi. Onyń beseýi – altyn, altaýy – kúmis, segizi – qola.