Májilis Spıkeri Nurlan Nyǵmatýlınniń tóraǵalyǵymen palatanyń bıýro otyrysy ótti. Onda aldaǵy jalpy otyrystyń kún tártibi naqtylandy, dep habarlady Májilistiń baspasóz qyzmeti.
Ol boıynsha palata depýtattary dene shynyqtyrý jáne sport máselelerine túzetýlerge qatysty zań jobasyn birinshi oqylymda qaraıdy dep kútilýde.
Sondaı-aq, palata Reseımen avıasııalyq izdestirý jáne qutqarý salasyndaǵy yntymaqtastyq týraly úkimetaralyq kelisimdi jáne 1996 jylǵy 18 qazandaǵy Reseımen temir jol kóligi kásiporyndarynyń, mekemeleri men uıymdarynyń qyzmetin quqyqtyq retteýdiń erekshelikteri týraly úkimetaralyq kelisimge ózgerister engizý týraly hattamany ratıfıkasııalaýǵa qatysty zań jobalaryn jumysqa qabyldaıdy.
Osy rette, sonymen qatar, 2012 jylǵy 11 mamyrdaǵy Qyrǵyzstanmen eki memleket azamattarynyń atalǵan respýblıkalar aýmaǵynda bolý tártibi týraly úkimetaralyq kelisimge túzetýlerge qatysty hattamany, sondaı-aq, osy elmen readmıssııa týraly úkimetaralyq kelisimdi jáne ony iske asyrý tártibi týraly atqarý hattamasyn ratıfıkasııalaýǵa baılanysty zań jobalary boıynsha beıindi komıtetterge qorytyndy ázirleý merzimin belgilemek.