«Samuryq-Qazyna» jyljymaıtyn múlik qory» AQ Dırektorlar keńesiniń 2017 jylǵy 16 aqpandaǵy sheshimi negizinde Jetpisbaı Arman Sháripbaıuly «Samuryq-Qazyna» jyljymaıtyn múlik qory» AQ basqarma tóraǵasy bolyp taǵaıyndaldy.
«Samuryq-Qazyna» jyljymaıtyn múlik qory» AQ Dırektorlar keńesiniń 2017 jylǵy 25 qańtardaǵy sheshimine sáıkes Mamytalıev Baýyrjan Djaımýrzynulynyń ókilettigi merziminen buryn toqtatyldy, dep habarlaıdy atalǵan qordyń baspasóz qyzmeti.
Jetpisbaı Arman Sháripbaıuly 1971 jyly týǵan. Qazaq hımııa-tehnologııalyq ınstıtýtyn (ınjener-qurylysshy), T.Rysqulov atyndaǵy Qazaq ekonomıkalyq ınstıtýtyn (ekonomıst) támamdady. Halyqaralyq Máskeý qarjy-bank mektebinde (Máskeý q.), Halyqaralyq bıznes akademııasynda (Almaty q.), Inteconference LTD with participation of molans and anier municipalitiens (Shveısarııa, Jeneva q.), Leadership Foundation fo Higher Education (Ulybrıtanııa, London q.), Nazarbaev Ýnıversıtetinde (Astana q.) oqydy.
Memlekettik organdar, qarjy ınstıtýttary, ulttyq jáne iri jeke menshik kompanııalardyń basshy laýazymdarynda jumys tájirıbesi mol. «Alaýtransgaz» JShS jumys istedi, «Ońtústik» arnaıy ekonomıkalyq aımaq dıreksııasy» MM dırektory, «Qazkommersbanki» AQ Qyzylorda fılıalynyń dırektory, «Qyrǵyzstan Qazkommersbanki» AQ Basqarma Tóraǵasynyń birinshi orynbasary, Ońtústik Qazaqstan oblysy ákiminiń orynbasary, Shymkent qalasynyń ákimi qyzmetin atqardy.
«Samuryq-Qazyna» jyljymaıtyn múlik qory» AQ Basqarma Tóraǵasy laýazymyna taǵaıyndalǵanǵa deıin «Qazatomónerkásip» UAK» AQ basqarýshy dırektory bolyp qyzmet atqardy.
Jyljymaıtyn múlik qorynyń jáne Jyljymaıtyn múlik qory jetkizýshileri men básekelesteriniń aksııalaryn ıelenbeıdi.