«Qaırat» fýtbol klýbynyń burynǵy bapkeri Aleksandr Borodıýk Qazaqstan ulttyq quramasyn jattyqtyrýy múmkin. «Sport-Ekspress» basylymynyń málimeti boıynsha reseılik maman jańa qyzmetine naýryz aıynan bastap kirispek.
Aleksandr Borodıýk Reseı ulttyq quramasynyń jattyqtyrýshylar alqasynda qyzmet etken. Buǵan deıin óz eliniń jastar quramasyna nemese Belarýs ujymyna bas bapker bolýy múmkin ekendigi habarlanǵan.
Aıta keteıik, Borodıýk ótken maýsymnyń basynda Almatynyń «Qaırat» klýbymen Qazaqstan Sýperkýbogyn jeńip alǵan. Alaıda, QPL-diń úshinshi týrynan keıin sátsiz oıyndary úshin óz erkimen qyzmetinen ketken.
Qazirgi ýaqytta Qazaqstan ulttyq quramasyn Talǵat Baısýfınov jattyqtyrady.