«Bılaın» brendiniń qojaıyny bolyp tabylatyn reseılik Vimpelcom telekommýnıkasııalyq kompanııasy onyń ataýyn VEON dep ózgertýdi oıǵa alyp otyr, dep jazady abctv.kz.
Kompanııanyń resmı aqparatynda aıtylǵandaı, osy jyldyń 30 naýryzynda ótýge tıis kezekten tys jıynda aksıonerler maquldaıtyn bolsa, onda ataýyn ózgertpekshi.
«Qazirgi kompanııa 24 aı buryn bolǵan kompanııa emes, qazir ol eskirgen telekommýnıkasııalyq bıznesten VEON tehnologııalyq kompanııa retinde transformasııalanyp jatyr», – delingen habarlamada.
Vimpelcom bul sheshimin osy jyldyń sońynda birqatar elde VEON ınternet-platformalardy iske qosatyndyǵymen túsindiredi. Aıtýlarynsha, dál osyndaı platforma ótken jyldyń sońynda Italııada sátti júzege asqan.
Byltyrǵy qarashada «Reıter» agenttigi Vimpelcom-ǵa tıesili ıtalııalyq Wind operatory men gonkongtyq Hutchison birlesip óziniń klıentteri úshin VEON dep atalatyn tegin messendjerdi iske qosqanyn habarlaǵan bolatyn. Ol ózge de tanymal messendjerler sekildi jumys isteıdi, biraq qoldanýshylar operatorǵa trafık úshin aqy tólemeıdi.
Kompanııa ókilderi Amsterdamdaǵy Euronext bırjasynda qaıtalama lıstıng júrgizýdi kózdep otyrǵanyn habarlady. Kompanııanyń shtab-páteri de osy qalada ornalasqanyn aıta ketken jón.
Kompanııa, eger aksıonerler bekitetin bolsa, onda VEON tıkerimen saýda jasaıtyn bolady. Kompanııanyń resmı habarlamasynda ózgeristi onyń qurylymymen de baılanystyrǵan.
«Kompanııa aıtarlyqtaı qaıta qurylyp, birneshe jyldyq quldyraýdan keıin ósim kórsete bastady», – delingen habarlamada.
2016 jyldyń qorytyndysy boıynsha kompanııa bir aksııa úshin 23 sent deńgeıinde dıvıdent tóleıdi. Bul kompanııanyń jobalar qorjynyndaǵy ózgeristermen baılanysty.
Tórtinshi toqsanda Vimpelcom-nyń túsimi 2,5%-ǵa, 2,3 mlrd dollarǵa deıin ósti. Negizgi ótkizý naryǵy Reseı bolyp otyr, ondaǵy túsim 1,1 mlrd dollardy quraıdy.
Kompanııa Reseı, Qazaqstan, Italııa, Pákistan, Aljır, Bangladesh, Ýkraına jáne О́zbekstanda jumys isteıdi.