Keshe Qurlyqtyq hokkeı lıgasynyń pleı-off kezeńinde Astananyń «Barysy» óz aıdynynda Chelıabiniń «Traktor» komandasyn qabyldap, 1:2 esebimen jeńilip qaldy.
Munyń aldynda «Barys» qarsylasyn 3:1 esebimen utqan bolatyn. Ol oıyndaǵy birinshi shaıba alǵashqy kezeń aıaqtalar tusta soǵyldy. Aıdyn ıelerinen bir oıynshy kemdigin tıimdi paıdalanǵan Dmıtrıı Pestýnov «Traktordy» alǵa shyǵardy. Úziliste bapker Edýard Zankovesten jańa nusqaýlar alǵan «Barys» hokkeıshileri birden shabýylǵa kóship, 24-mınýtta tarazy basyn teńestirdi. Oıynshy basymdyǵy kezinde Naıdjel Doýs mergendigimen tanyldy. О́z jankúıerleriniń aldynda óner kórsetken astanalyqtar úshinshi kezeńde qarsylastaryn eki márte qapy qaldyrdy. Aldymen, Naıdjel Doýs 41-mınýtta ekinshi shaıbasyn soqsa, kezdesýdiń aıaqtalýyna sanaýly mınýttar qalǵanda Korı Trıvıno bos qaqpany dál kózdep, sońǵy núkteni qoıdy.
Sonymen, eki komanda arasyndaǵy jalpy esep 2:2 boldy.
Pleı-off tártibi boıynsha tórt márte jeńiske jetken ujym kelesi kezeńge joldama alady.
Aıan ÁBDÝÁLI,
«Egemen Qazaqstan»