Joǵary hokkeı lıgasynyń pleı-off kezeńinde О́skemenniń «Torpedo» komandasy Ijevskiniń «Ijstal» hokkeı klýbymen kúsh synasyp, 3:2 esebimen basym tústi.
Bul matchta alǵashqy goldy 21-mınýtta Maksım Belıaev salyp, aıdyn ıelerin alǵa shyǵardy. 29-mınýtta Konstantın Romanov basymdyqty arttyra tústi. Namysqa basqan «Ijstal» oıynshylary 33-mınýtta Nıkıta Panasenkonyń kómegimen esep aıyrmashylyǵyn qysqartty. Degenmen, araǵa bes mınýt salyp, Talǵat Jaılaýov «Torpedonyń» úshinshi shaıbasyn saldy. Al sońǵy kezeńniń basynda Evgenıı Banserev kezdesýdegi sońǵy goldy soqty.
Pleı-off básekesiniń alǵashqy oıynynda óskemendikter 1:0 esebimen basym túsken. Al kelesi match búgin Ijevskide ótedi.
Bul synda óner kórsetip jatqan taǵy bir qazaqstandyq klýb – Qaraǵandynyń «Saryarqasy» «Zvezda» komandasyn qabyldap, 0:4 esebimen oısyraı utyldy.
Qonaqtar sapynan Aleksandr Sharov 5-mınýtta esep ashsa, Artem Antıpov 25-mınýtta eseleı tústi. Fedor Kolýpaılo 35-mınýtta basymdyqty arttyrdy. Al oıynnyń aıaqtalýyna birneshe sekýnd qalǵanda Vıacheslav Osnovın sońǵy shaıbanyń avtory atandy.
Qos komanda arasyndaǵy alǵashqy kezdesýde «Saryarqa» 6:0 esebimen jeńiske jetken bolatyn. Endi kelesi eki match «Zvezda» komandasynyń aıdynynda ótedi.