Bıyl cheshen jáne ıngýsh halyqtarynyń Ortalyq Azııa men Qazaqstanǵa jer aýdarylǵanyna 73 jyl tolady. Osyǵan oraı, elordada «О́tkenińdi umytpa» atty ónegeli shara ótti.
Qalalyq mádenıet, muraǵattar jáne qujattama basqarmasy muryndyq bolǵan kezdesýge Ingýshetııa Respýblıkasynyń Syrtqy baılanystar, ulttyq saıasat, baspasóz jáne aqparat mınıstriniń orynbasary L.Iа.Araphanova, elordadaǵy «Vaınah» cheshen-ıngýsh birlestiginiń aqsaqaldary, L.N.Gýmılev atyndaǵy Eýrazııa ulttyq ýnıversıtetiniń ǵalymdary qatysty.
Jıynda Qazaqstanda tamyr jaıǵan cheshen, ıngýsh etnostarynyń ókilderi qıyn kezderde ózderin syrtqy teppeı, baýyryna tartqan qazaq halqyna alǵystary sheksiz ekenin jetkizdi.
– О́tken ǵasyrdyń qıyn da taýqymetti jyldarynda bizge kómek qolyn sozyp, dostyq nıetin bildirgen qazaq halqyna, qushaǵyna alǵan Uly dalaǵa alǵysymyz sheksiz. Bizdi qazaq halqy ólimnen aman alyp qaldy. Biz ony eshqashan umytpaımyz, bolashaq urpaqqa osy peıildi saqtap qalýdy amanat etemiz, – dedi «Vaınah» birlestiginiń tóraǵasy Salman Geroev.
Kezdesý aıasynda cheshen jáne ıngýsh halyqtarynyń tragedııaly taǵdyrynan syr shertetin kórme uıymdastyryldy. Onda Astana qalasy memlekettik muraǵatynyń, Qaraǵandy oblystyq memlekettik muraǵattar qorynyń qundy qujattary men fotojádigerleri qoıyldy. Solardyń ishinde KSRO Ishki ister halyq komıssary L.Berııanyń Soltústik Kavkaz turǵyndaryn Qazaq jáne Qyrǵyz KSR-lerine turaqty turý úshin jer aýdarý týraly habarlamasy, baıanjazbalar, anyqtamalar, málimdemeler bar. Aqmola men Qaraǵandy oblystaryndaǵy cheshen-ıngýsh otbasylarynyń sany, olarǵa kórsetilgen qarjylaı kómek, jumysqa ornalastyrý syndy derekterge de qanyǵýǵa bolady.
Sondaı-aq, kezdesýde jıylǵandar nazaryna Ortalyq Azııa men Qazaqstanǵa jer aýdarylǵan halyqtar týraly derekti fılm usynyldy.
Arnur ASQAR,
«Egemen Qazaqstan»