Zarema Sháýkenova Qazaqstannyń strategııalyq zertteýler ınstıtýtynyń dırektory bolyp taǵaıyndaldy, - dep habarlaıdy Aqordanyń baspasóz qyzmeti.
"Memleket basshysynyń О́kimimen Zarema Kaýkenqyzy Shaýkenova Qazaqstan Respýblıkasy Prezıdentiniń janyndaǵy Qazaqstannyń strategııalyq zertteýler ınstıtýtynyń dırektory qyzmetine taǵaıyndaldy", - delingen habarlamada.
Zarema Káýkenqyzy Sháýkenova 1965 jyly 29 qyrkúıekte Shymkent qalasynda dúnıege kelgen. 1987 jyly Lenıngradtyń A.A. Jdanov atyndaǵy memlekettik ýnıversıtetin támamdaǵan. Áleýmettaný ǵylymynyń doktory (22.00.04), Professor, Qazaqstan Áleýmettanýshylary Qaýymdastyǵynyń dırektory, Qazaqstan áleýmettanýshylary Akademııasynyń Akademıgi.
Doktorlyq dıssertasııasynyń taqyryby: «Qazirgi zamanǵy Qazaqstandaǵy etnostardyń áleýmettik ózara árekettestigi» (Ál-Farabı atyndaǵy QazUÝ, 2003 j.).
2008-2010 jyldary Ál-Farabı atyndaǵy QazUÝ-da áleýmettaný, psıhologııa jáne pedagogıka boıynsha dıssertasııalyq keńestiń tóraıymy boldy. Áleýmettaný ǵylymynyń 1 doktoryn (Tynyshbaeva A.A.) jáne 3 kandıdatyn daıyndady. 2011 jyldan bastap QR BǴM ǴK Fılosofııa, saıasattaný jáne dintaný ınstıtýtynyń dırektory.
Esterińizge sala ketsek, osyǵan deıin bul qyzmette Erlan Qarın bolǵan edi. Ol taıaýda "Qazaqstan" RTRK" AQ Basqarma tóraǵasy qyzmetine taǵaıyndalǵan bolatyn.