Aqtóbe oblysynyń ákimi Berdibek Saparbaev «Aqtóbe» fýtbol klýbynyń ókilderimen kezdesti. О́ńir basshysy jańa maýsymǵa arnalǵan tapsyrmalar berdi, sondaı-aq, osy jyly klýbty qarjylandyrý máselesine de toqtalyp ótti.
«Qarjylandyrý ótken jylǵy deńgeıde qalady. Birinshi kezeńniń qorytyndysy boıynsha qosymsha aqsha bólý jaǵy qarastyrylady. Eger komanda jaqsy nátıje kórseter bolsa, klýbtyń bıýdjeti de artady. Barlyǵy ózderińizge baılanysty. Aqtóbede fýtbol o bastan bolǵan, bolady da, bola beredi de!» – dedi Berdibek Saparbaev.
Oblys ákimi birinshi kezeńniń qorytyndysy boıynsha 6-orynnan tómendemeý týraly tapsyrma berdi. «Alǵashqy kezeń aıaqtalǵannan keıin ózge de tapsyrmalar beriledi», – dedi ol.
Kezdesý barysynda «Aqtóbeniń» oıynshylarmen tolyq qamtylmaǵany da aıtyldy.