«Atyraý» fýtbol komandasy Qazaqstan premer-lıgasyndaǵy jańa maýsymyn -9 upaımen bastaıdy. Bul týraly Qazaqstan kásipqoı fýtbol lıgasynyń baspasóz qyzmeti habarlady.
«Qazaqstan kásipqoı fýtbol lıgasy QFF-nyń «Atyraý» fýtbol klýbyn 9 upaıdan aıyrý týraly aryzyn qabyldap, 2017 jylǵy Premer-Lıga komandalarynyń arasyndaǵy Chempıonattyń týrnırlik kestesine tıisti ózgerister engizdi. FIFA-nyń tártiptik komıteti atalǵan klýbty oıynshy Jonathas Ricardo Sousa da Costa aldynda qaryzdy óteý týraly sheshimdi oryndamaǵany úshin 3 upaıdan, al bapker Zoran Filipovic aldynda qaryzdy óteý týraly sheshimdi oryndamaǵany úshin 6 upaıdan aıyrý týraly sheshim qabyldady», – delingen habarlamada.