Qazaqstanda raqymshylyq zańyn júzege asyrýdyń negizgi satysy bastaldy, dep habarlaıdy «QazAqparat».
«2017 jyldyń 1 naýryzy kúni QR raqymshylyq týraly Zańy qabyldanǵannan bastap, barlyǵy toǵyz myńnan astam materıal sotta qaraldy. Sonyń ishinde respýblıkada 800-den astam sottalýshy bostandyqqa shyqty. Qoǵamnan oqshaýlanbaı, probasııalyq baqylaýda jazasyn ótep júrgen taǵy úsh myń adam sottyń sheshimimen bosatyldy», - dep habarlady respýblıkalyq penıtensıarlyq júıe vedomstvosynda.
Atalyp ótkendeı, 1,2 myńnan astam sottalýshynyń jazasyn óteý merzimi qysqartyldy. Sonymen qatar, túrli sebeptermen 60-tan astam sottalýshynyń ótinishi qabyldanbady. Olardyń kóbisi qylmys saldarynan keltirilgen zalaldy ótemegen.
«Alaıda, raqymshylyq zańynda qarastyrylǵan ýaqyt aralyǵynda zalal ótelse, sottalýshynyń sotqa qaıta ótinish berýge múmkindigi bar», - dep atap ótti QAJ komıteti.