«Arman» kınoteatrynda «Nur Otan» partııasy Respýblıkalyq jelilik kestesine sáıkes, sondaı-aq «Baqytty balalyq shaq» partııalyq jobasy aıasynda Medeý aýdandyq fılıaly jetim balalarǵa, múmkindigi shekteýli jáne turmysy tómen otbasylardan shyqqan balalarǵa qaıyrymdylyq maqsatpen «Lego Betmen» mýltfılminiń arnaıy kórsetilimin uıymdastyrdy.
"Baqytty balalyq shaq" partııalyq jobasy aıasynda mundaı is-sharalar turaqty túrde ótkizilip turady. О́z kezeginde, áleýmettik kómekti qajet etetin balalardy qamqorlyqqa alý kez-kelgen partııa mindetteriniń biri bolyp tabylady. Balalar elimizdiń bolashaǵy jáne biz qazirgi jas urpaq balalarǵa úlken jaýapkershilikpen qarap, olardy qamqorlyqqa alýymyz kerek, - dep atap ótti «Nur Otan» partııasy Medeý aýdandyq fılıaly tóraǵasynyń birinshi orynbasary Arman Halbekov.
Kórsetilimniń aldynda 80 balaǵa popkorn men tátti sýsyndar taratylyp berildi, kóńil-kúılerin kóterý maqsatynda ánnen shashý shashyldy. Al, «Lego Betmen» mýltfılmindegi basty batyrdyń óz qarsylasy Djokerdi jeńip, jas kórermenderdi qýantqany óz aldyna bir áserli sát boldy. Shyn mánisinde kishkentaı búldirshinder úlken ásermen tarasyp, uıymdastyrýshylarǵa rızashylyqtaryn tanytty.
Is-sharaǵa «Kvartal» bıznes ortalyǵynyń ókili Natalıa Ivneva men kásipker Tahır Ázimtaev qatysyp, demeýshilik qoldaý kórsetti jáne partııalyq jobaǵa turaqty da qatysatynyn jetkizdi.
Saparbaı Parmanqulov,
«Egemen Qazaqstan».
Almaty