UKP uzaq merzimdi tapsyrystar men tutynýshylar arasynda naryqtyq sımmetrııany teńdestirýge barynsha atsalyspaq.
О́ńdeý ónerkásibi ónimderi barlyq salalardyń básekege qabilettigin arttyrýdaǵy eń mańyzdy quramdas bóligi bolyp tabylady, dep jazady palata.kz.
Demek, osy basymdyqqa ıe salanyń damýy tıimdi ekonomıkaǵa qaraı jeteleıdi. Sondyqtan óndiristi damytýǵa kúsh salý qajet. Bul týraly Ulttyq kásipkerler palatasy Tóralqa Tóraǵasy Tımýr Qulybaev qatysýymen ótken jumys otyrysynda talqylandy.
«Atameken» basshysy kásiporyndardy tapsyrystar jáne uzaq merzimdi kelisim-sharttarmen qamtamasyz etý Ulttyq Palatanyń jumysynda basymdyqqa ıe baǵyt ekenin atap ótti. Degenmen, joǵary atalǵan mysaldyń oń jáne teris áseri bolýy múmkin. Tóralqa Tóraǵasynyń aıtýynsha óndirýshiler eń aldymen shyǵarylyp jatqan ónimniń sapasyna mán berip, baǵasy boıynsha taýardy básekege tózimdi etý kerek. Tımýr Qulybaev naryqta básekege qabiletti otandyq taýar óndirýshilerdi meılinshe jumyldyrýdy eskerip, sondaı-aq ımportty almastyrý úshin otandyq taýarlarǵa memlekettik tapsyrystardy ulǵaıtý kerektigin atap ótti.
«Atameken» otandyq kásipkerlerdiń múddesin qorǵaıtyn uıym retinde óńdeý ónerkásibi salasyndaǵy kásiporyndardyń bıznesin damytýǵa qoldaý kórsetý joldaryn qarastyrady. Osy rette Tımýr Qulybaev tutynýshy men óndirýshiler arasynda tıimdi kelisimge qol jetkizý úshin arnaıy qujatty jasaýdy tapsyrdy.
«Satyp alynatyn taýarlar men óndirilgen ónimderdiń matrısasyn jasaý kerek. Sonda biz óndiristiń múmkindigi men suranystyń ara-salmaǵyn anyqtaı alamyz. Ary qaraı óndirýshiler qandaı ónimdi shyǵarý kerektigin, onyń sapasy men baǵasyn bilip otyratyn bolady. Bul jeńil ónerkásibi, jıhaz jáne aǵash óńdeý ónerkásipterine qatysty bolady. Máselen, jıhaz ónimderin alyp qarasaq. Memlekettik tapsyryspen ne alynady? Mektep partalary, keńse jıhazdary, medısınalyq tósekter jáne t.s.s. О́ńirlerdi aralaǵanda kezde maǵan kórsetilgen óndirister memlekettik tapsyrysqa emes, turmystyq jıhazdar shyǵaryp, kóbinese tutynýshylar naryǵyna baǵdarlanǵanyn kórdik», – dedi Tımýr Qulybaev.