«Aq jol» demokratııalyq partııasy «HHI ǵasyrdaǵy Alashtyń aq joly» jalpyulttyq baıqaýynyń bastalǵanyn jarııalady.
Baıqaý Alash qozǵalysynyń: Alash ulttyq avtonomııasynyń, «Alash» partııasynyń jáne Alashorda úkimetiniń 100 jyldyǵyna arnalady. Baıqaýdyń qorytyndylary ataýly kúnniń qarsańynda osy jyldyń 5-13 jeltoqsan aralyǵynda shyǵarylady, bul kúnderi osydan 100 jyl buryn Orynbor qalasynda ekinshi jalpyqazaq sezi ótken.
Baıqaýdyń júldelik qory 4 mıllıon teńgeni quraıdy.
«HHI ǵasyrdaǵy Alashtyń aq joly» jalpyulttyq baıqaýynyń jańartylǵan sharttary mynadaı:
Baıqaýdyń basty maqsaty – Qazaqstan qoǵamyn jańǵyrtýda «Alash» qozǵalysynyń shyǵarmashylyq murasyn jáne prınsıptik kózqarastaryn taratý.
Baıqaýǵa qatysýǵa Alash murasyna qyzyǵýshylyq tanytyp, osy taqyrypta ǵylymı zertteýlermen jáne pýblısıstıkamen aınalysyp júrgen 18-35 jas aralyǵyndaǵy barlyq, shet elderdegi otandastarymyzdy qosa alǵanda, izdenýshiler shaqyrylady.
Baıqaý jumystary qazaq, orys jáne Qazaqstannyń basqa etnostarynyń tilderinde qabyldanady. Sondaı-aq, sheteldik izdenýshilerge ózderiniń qalaǵan tilin tańdaý múmkindigi beriledi. Baıqaýdy uıymdastyrýshylar baıqaý jumystaryn memlekettik tilge aýdarady.
Baıqaý úsh kezeńnen, tórt nomınasııa boıynsha ótkiziledi.
Nomınasııalar:
1. Konstıtýsııalyq reforma jáne Alash qozǵalysy qaıratkerleriniń eńbekterindegi memlekettik qurylys, demokratııalyq qundylyqtar máseleleri.
2. Alash qozǵalysy qaıratkerleriniń eńbekterindegi ekonomıkalyq kózqarastarynyń ózektiligi, qoǵamdy áleýmettik jańǵyrtýdyń máseleleri jáne osy ıdeıalardy qazirgi zamanǵy Qazaqstanda damytý;
3. Alash qozǵalysy qaıratkerleriniń jumystaryndaǵy qazaqstandyq qoǵamnyń rýhanı-mádenı jańǵyrýy máseleleri jáne olardyń qazirgi zamanǵy Qazaqstan úshin ózektiligi.
4. Alash qozǵalysy tarıhyndaǵy belgisiz oqıǵalar men jańa esimder;
Kezeńder: 1-kezeń: jazbasha jumystardy (esse, shyǵarmalar) syrttaı irikteý. Baıqaý jumystary 2017 jyldyń 1 qazanyna deıin qabyldanady. Usynylatyn jumystardyń kólemi 12 betten aspaýy tıis.
Jumystardy qabyldaý merzimi aıaqtalǵannan keıin baıqaýdyń arnaıy qazylar alqasy eki aptanyń ishinde árbir nomınasııa boıynsha túsken materıaldardyń sany men sapasyna oraı 10 úmitkerge deıin iriktep alady, olar ekinshi betpe-bet kezdesetin pikirsaıys kezeńine qatysýǵa shaqyrylady.
2-kezeń: 1-kezeń jeńimpazdarynyń betpe-bet pikirtalastary. 1-kezeńniń qorytyndylary shyǵarylǵannan keıin eki aptanyń ishinde ótkiziledi. Betpe-bet kezdesetin pikirsaıystar barysynda úmitkerler ár nomınasııa boıynsha óziniń baıqaý jumysyn qorǵaıdy, odan keıin suraqtarǵa jaýap beredi, basqa baıandamalardy talqylaýǵa qatysady. Pikirtalastar árbir nomınasııa boıynsha bólek ótedi.
Pikirtalastar qorytyndylary boıynsha ár nomınasııadan 3 úmitkerden fınaldyq satyǵa – baıqaýdyń 3 kezeńine qatysý úshin iriktelip alynady.
3-kezeń: Alash qozǵalysynyń 100 jyldyǵy qarsańynda 5-13 jeltoqsan aralyǵynda «HHI ǵasyrdaǵy Alashtyń Aq joly» jalpyulttyq konferensııasy aıasynda ótkiziledi. 2-kezeńniń jeńimpazdary baıandama jasaıdy jáne suraqtarǵa jaýap beredi. Talqylaýdyń qorytyndylary boıynsha baıqaýdyń basty marapattarynyń ıegerlerin arnaıy qazylar alqasy anyqtaıdy.
Konkýrs materıaldary jeke basylymmen jarııalanatyn bolady.
Jalpyulttyq baıqaýdyń jeńimpazdary men laýreattary úshin kelesi syıaqylar belgilenedi:
1-kezeńde baıqaýdyń ekinshi kezeńiniń qatysýshylary anyqtalady;
2-kezeńde baıqaýdyń fınalyna – 3-kezeńge ótken qatysýshylar anyqtalady (ár nomınasııa boıynsha 3 úmitker). Jazba jumystary avtorlarynyń (ár nomınasııa boıynsha 7 adamǵa deıin, kelesi kezeńge ótkenderden basqasy) árqaısysy – 25 myń teńgemen marapattalady.
3-fınaldyq kezeńde 4 nomınasııanyń árqaısysy boıynsha júldelik oryndar bólinedi. Olarǵa kelesi syıaqylar beriledi:
Birinshi oryn – 300 myń teńge;
Ekinshi oryn – 200 myń teńge;
Úshinshi oryn – 100 myń teńge.
Baıqaýdyń barlyq qatysýshylary gramotalarmen, alǵys hattarmen atalyp ótedi.
Ár nomınasııa boıynsha 1-oryndy ıelengen jeńimpazdarǵa jalpyulttyq «Alashtyń aq joly baıqaýynyń laýreaty» tósbelgisi tabystalady.
Baıqaýdyń betpe-bet pikirsaıystar kezeńderiniń (2 jáne 3-kezeńder) qatysýshylarynyń issapar shyǵyndaryn «Aq jol» QDP tóleıdi.
1-kezeńge qatysý úshin baıqaý jumystary «HHI ǵasyrdaǵy Alashtyń aq joly» belgisimen 010000 Astana qalasy, Saryaıshyq kóshesi, 11-úı, №5 keńsesine «Aq jol» Qazaqstannyń demokratııalyq partııasy ortalyq apparatynyń meken-jaıyna nemese alash_akzhol@mail.ru; akzholpress@mail.ru elektrondyq poshtamen joldanady.