Iаdrolyq sala kásiporyndary memlekettik tapsyrystardy ýaqtyly oryndap keledi

Qazaqstannyń ıadrolyq ǵy­lym men tehnıka, atom kásip­or­ny álemdik órkenıettiń kósh­basshylary ekendigi áý bas­tan belgili. Atomshy mamandar búginde Elbasynyń Joldaýynda naqty aıtylǵan tapsyrmalar boıynsha jumys istep jatyr. Árıne, bulardyń barlyǵy jáı ǵana zertteý emes, Qazaqstannyń atom salasy ald­aǵy ýaqytta dál búgingideı álemdegi básekelestikke tótep bere alýy kerek. 2017 jyly «Qazaqstannyń ıadro­lyq qoǵamy» osy baǵyt boıynsha ju­mystaryn jalǵastyra bermek. Ba­s­ty maqsat – EKSPO kórmesine qa­tysý. Budan basqa da sharalarǵa kel­sek, «Iаdrolyq qoǵam» atom ener­getıkasy salasy mamandaryna arnalǵan halyqaralyq jıyndar uıymdastyryp, ár eldiń maman­da­rymen tájirıbe almasýdy da jal­ǵas­tyr­maq. Jáne bolashaqta oqýshy, stý­dent­terge arnalǵan aqparattyq-oqytý baǵ­darlamalaryn qolǵa alady. Búginde atom energetıkasy álem­de­gi energııa tutynýdyń 5 paıyzyn ǵana qamtamasyz etip otyr. Jańadan 60 jańa bloktar salynyp jatyr de­sek, ol negizinen Azııa elderinde, atap aıt­qanda, Qytaı, Úndistan, Oń­tústik Koreıa, Túrkııa jáne Birikken Arab Ámir­likteri. 2016 jyldyń qory­tyn­dy­sy boıynsha dúnıe júzinde on jańa blok iske qosylǵan. Úsh blok ázirshe toq­tatylyp, jańadan úsh bloktyń qu­rylysy bastalyp ketken. Al 2017 jyl­dyń basynda-aq Qytaı jańa blokty iske qosyp úlgeripti. – Astanada biz Energetıka mı­nıs­trligimen birlesip, «Iаdro­lyq qo­ǵam» quramyna kiretin «Qazatom­óner­kásip» UK, Kýrchatovtaǵy Ulttyq ıadro­lyq orta­lyq jáne basqa da eli­miz­­degi atom ón­dirisi salasynyń ma­man­darynyń ba­syn qosyp, konferensııa ótkizdik, – dedi «Qazaqstannyń ıad­ro­lyq qoǵamy» qaý­ymdastyǵynyń at­qarýshy dırek­tory Natalıa Jda­no­va. Osy «Iаdrolyq qoǵam» bul kún­de­ri Japonııa, Reseı, Fransııa, AQSh el­deriniń ıadrolyq kooperasııalarymen tyǵyz baılanysta. «Qazaqstannyń ıadrolyq qoǵamy» – táýelsiz ári kommersııalyq emes uıym. Quramyna atom salasyn Elbasy tap­syrmasymen beıbit maqsatqa paı­dalaný jáne ári qaraı damytý úshin zańdy tulǵa retinde tirkelgen kóp­tegen ǵylymı-óndiristik mekemeler kirgen. – «Qazaqstannyń ıadrolyq qo­ǵa­my» 1992 jyly qurylsa, elimizdiń ár túkpirinde bólimderi bar. Atom ener­getıkasy boıynsha qurylǵan Aqparattyq ortalyq jaqsy jumys istep keledi, munyń operator-baı­la­nys­shylary «Qazaqstannyń ıadro­lyq qoǵamy» jáne «Reseıdiń ıadrolyq qoǵamy», – deıdi Natalıa Jdanova. Ortalyqtyń maqsaty, atom energetıkasy men ıadrolyq tehnologııalardy mektep oqýshylary arasynda na­sıhattap, balalardyń tehnıkalyq bilimge degen qyzyǵýshylyǵyn arttyrý kórinedi. Alǵashqy jyldyń ózinde-aq Ortalyqqa 14 424 adam kelipti. Raýshan NUǴMANBEKOVA Shyǵys Qazaqstan oblysy, Kýrchatov qalasy Sýretti túsirgen avtor