1 naýryz kúni «Nur Otan» partııasynyń Qyzylorda oblystyq fılıalynda partııanyń qurylǵanyna 18 jyl jáne alǵys aıtý kúnine oraı saltanattty jıyn ótti. Oblys ákimi, oblystyq partııa fılıalynyń tóraǵasy Qyrymbek Kósherbaev nurotandyqtardy merekesimen quttyqtady.
- «Nur Otan» partııasy alǵashqy qurylǵan kúnnen bastap tyń bastamalar kóterip, jaýapty sheshimder qabyldaýǵa uıytqy bolýmen qatar elmen etene qaınasyp, halyqtyń múddesin jetkizip júrgen birden-bir qoǵamdyq uıym. Sondyqtan biz aldaǵy ýaqyttarda da eldik bıik maqsat pen halyqtyń ıgiligi jolynda aıanbaı eńbek etýge, otanymyzdyń kúsh-qýatyn eseleı bilýge tıistimiz,- dedi Q.Kósherbaev.
Shara barysynda oblysta prezıdenttik partııany qurýǵa atsalysqan saıası uıym ardagerleri «Nur Otan» tarıhy týraly aıtyp, sondaı-aq qazirgi qoǵamdaǵy partııanyń róli jaıyndaǵy oılarymen bólisti.
Osy kúni «Nur Otan» partııasynyń qataryna kirgen 9 adamǵa partııa bıleti, saıası uıymnyń 9 belsendi múshesine oblys ákiminiń alǵys haty tabystaldy.