Eýroparlamentte sóz alǵan Eýrokomıssııa basshysy Jan-Klod Iýnker Ulybrıtanııanyń Eýropa odaǵynan shyqqan keıingi odaq elderiniń damýy bes túrli ssenarıımen órbýi múmkin ekenin aıtty, dep jazady newsru.com.
Birinshi ssenarıı boıynsha, "qazirgi kýrs saqtalmaq". EO-da qalatyn 27 el baıaǵysha birlesip jumys isteı bermek. Alaıda, Iýnkerdiń aıtýynsha, kóshi-qon daǵdarysynyń kesirinen odaqta alaýyzdyq týyndap, memleketterdiń birligi buzylýy múmkin.
Ekinshi múmkin ssenarııde EO basshysy ıntegrasııalyq saıası máselelerdi ysyryp qoıyp, aldymen odaqtyń ishki naryǵyn damytýǵa kúsh salýǵa shaqyrady. Alaıda, "birlesken saýda jasaý úshin resýr tapshylyǵy bar", deıdi Iýnker.
Úshinshi ssenarııde ár el ózinshe damý qarqynyn almaq. Árkim óziniń shamasyn maksımaldy paıdalanbaq. Bul jaǵdaıda EO elderiniń ishinde memleketter birneshe topqa jiktelip ketýi múmkin ekeni aıtylǵan. Olaı bolǵan jaǵdaıda, odaqtyń bolashaǵy bulyńǵyr ekenin aıtady Iýnker.
Al tórtinshi ssenarııdiń ereksheligi salalardy bólip alýǵa kelip tireledi. Ol kezde "az shyǵyn, joǵary tıimdilik" prınsıpimen jumys istemek. Ár memleket óziniń basym salalaryn bólip alǵanda qorǵanys pen shekara máselesi zardap shegýi múmkin ekeni joqqa shyǵarylmaıdy.
Besinshi ssenarııde "Eýroodaqqa jaqsy nárseniń bári barlyq memleket úshin jaqsy" degen uran aıasynda órbýi múmkin. Iаǵnı, EO elderi tize qosa otyryp odaqtyń qýatyn álem boıynsha arttyrýǵa kúsh salmaq. "Degenmen, mundaı jaǵdaıda odaqqa senimsizdikpen qaraıtyn memleketterdiń keri reaksııasy paıda bolyp, ulttyq bıliktiń álsireýi týraly pikirler qylań berýi múmkin", dep topshylaıdy EO basshysy.