Qazaqstandyq qos boksshy Batyr Júkembaev (8-0, 7KO) pen Abylaıhan Qusaıynov (4-0, 4KO) 11 naýryz kúni Davıd Leme men Kertıs Stıvens arasynda ótetin boks keshinde sharshy alańǵa shyqpaıtyn boldy, dep habarlady vesti.kz.
Buǵan deıin jerlesterimizdiń bireýi ǵana Leme men Stıvens arasyndaǵy boks keshiniń anderkartynda judyryqtasatyny habarlanǵan. Alaıda, búgin ekeýi de bul keshke qatyspaıtyny belgili boldy. Boksshylarymyzdyń kelesi kezdesýleri sáýir aıynda ótýi múmkin.
Qazirgi ýaqytta Júkembaev pen Qusaıynov kishi Ves Ýlıstiń dál osy keshtegi daıyndyǵyna kómektesip jatyr. Batyr Júkembaev pen Abylaıhan Qusaınov Kanadada «Eye of the Tiger Management» kompanııasymen jumys istep keledi. Olardyń menedjeri – Anna Reva.
Aıta keteıik, Davıd Leme men Kertıs Stıvens arasyndaǵy urys 11 naýryz kúni AQSh-tyń Verona qalasyndaǵy Turning Stone Resort Casino arenasynda ótedi.