Bastamanyń qoldaý tabatynyna senim mol

Shyǵys danalyǵynda aıtylatynyndaı, uly adam basqarǵan el uly jetistikterge jetedi. 25 jyl ishinde Táýelsiz Qazaqstan Respýblıkasynyń damýyna ólsheýsiz úles qosqan Prezıdent Nursultan Nazarbaev osyndaı basshy. Qazir Qazaqstanda bar­ly­ǵy óz kezegimen, ret-reti­men júze­ge asyrylyp jatqa­nyn kórip otyrmyz. Soǵan qara­mas­tan, biz Nursultan Nazarbaevtyń bılik tarmaqtary arasynda ókilettikterdi qaıta bólý máseleleri jónindegi Ún­deýin oqyǵan kezde Qazaq­stan Kóshbasshysynyń óz mem­­le­ketin aldaǵy jyldarda damytýdy kózdeıtin jańa bas­tamasynyń mán-mańy­zyn túsin­dik. Biz, halyq dıplo­ma­tııa­synyń ókilderi – «Tájik­stan-Qazaqstan» dostyq qoǵa­my­nyń músheleri Qazaqstan Res­pýblıkasy Prezıdentiniń Úndeýine ún qosqandy jón kórdik, sebebi, Qazaqstannyń ósip-órkendep, gúldengenine árqashan qýana qaraımyz. Búgingi tańda Qazaqstan memlekettik basqarýdyń qaǵı­datty máselelerin sheshý ús­tinde. Memleket basshysynyń Ún­deýinde Prezıdent ókilet­tiginiń bir bóligin berý arqyly zań shyǵarýshy jáne atqarýshy bılik tarmaqtaryn kúsheıtý máseleleri aıtylǵan. Osy qadam arqyly eldiń odan ári damýyna kedergi keltirýi múm­kin bógetterdiń barlyǵy alynyp tastalady. Prezıdent sózinde kúshti pre­zıdenttik bılik 25 jyl ishinde óziniń mindetin tabysty oryndaǵanyna toqtaldy. Endi bılik qurylymdaryn nyǵaıtý úshin Prezıdenttiń qyryqqa tarta ókilettigi qaıta bólinbek. Bul oraıda, konstıtýsııa­lyq reformalar basqarý júıe­si­niń tıimdiligin arttyrý­ǵa baǵyttalyp otyrǵanyn erekshe atap kórsetý kerek. 25 jyl ishinde Qazaqstan Nursultan Nazarbaevtyń sarabdal basshylyǵymen jańa memleket, jańa ekonomıka, jańa qoǵam qurdy. Endigi ýa­qyt­ta eldi tıimdi basqarý júıe­­sin qalyptastyrý maq­satyn­­da konstıtýsııalyq refor­malardy qolǵa alyp otyr. Prezı­dent Úndeýde: «Qazirdiń ózinde biz aldaǵy kezeń aldymyzǵa mindetti túrde kóldeneń tartatyn jahandyq jáne óńirlik syn-qaterlerge qalaı qarsy turatynymyzdy oılastyrýǵa tıispiz», degen bolatyn. Bul Prezıdent N.Á.Nazarbaevtyń jahannyń tamyr soǵysyn der ýaqytynda sezip, zaman talaptaryna jyldam jaýap qata alatynyn kórsetedi. Sonymen qatar, Úndeýde usynylǵan konstıtýsııalyq reformalar birinshi kezekte Qazaqstannyń ózindik táji­rıbesi men suranystaryna arqa súıeıtini týraly atap ótildi. Sóz joq, bul reforma Qazaqstannyń demokratııalyq baǵytta damıtynyn kórsetedi. Eldiń Parlamenti men Úkimetin nyǵaıtý maqsatynda Prezıdenttiń óz ókilettiginiń bir bóligin qaıta bólýdi usy­nýy buryn-sońdy álemdik tájirıbede bolyp kórmegen qubylys. Ol qazaqstandyqtar tarapynan biraýyzdan qyzý qoldaý tabady degen oıdamyz. Qazaqstan Tájikstan­nyń senimdi strategııalyq árip­testeriniń biri bolyp tabylady. Biz dostyq qaty­nastaǵy Qazaq­stannyń odan ári ósip-órken­deýine, demo­kratııaly baǵytta damýyna tilektespiz. Ábdýsattor NÝRALIEV, «Tájikstan-Qazaqstan» dostyq qoǵamynyń tóraǵasy, professor