Elbasy Nursultan Nazarbaev qańtar aıynda bılik tarmaqtary arasynda ókilettikterdi qaıta bólý máseleleri jónindegi halyqqa arnaǵan Úndeýi men bıylǵy Joldaýynda bedeldi Parlament pen qýatty Úkimet quratyn kezdiń jetkenin, sondyqtan óziniń birqatar ókilettikterin Parlament pen Úkimetke berý jóninde sheshim qabyldaǵanyn aıtqan bolatyn.
«Memlekettiń basqarý júıesin jańǵyrtatyn kez keldi. Men eldiń múddesi men zamannyń talabyn, urpaqtyń bolashaǵyn oılaı otyryp, osyndaı baılam jasadym» degen edi Prezıdent óz Úndeýinde. Bul tereńnen oılastyrylǵan, ýaqyt súzgisinen ótken, der kezinde qabyldanǵan óte durys sheshim boldy dep oılaımyz. О́ıtkeni, elimiz demokratııalyq, quqyqtyq memleket retinde qalyptasý kezeńinen ótti. Memleketimiz aıaǵynan tik turdy. Halyqtyń ál-aýqaty jaqsardy. Táýelsizdiktiń 25 jylynda birligi jarasqan Qazaqstan halqy Elbasymen birge qalyptasý mektebinen sátti ótip, barlyq salada zor jetistikterge qol jetkizip, álem sanasatyn áleýetti memleketke aınaldy. Shırek ǵasyrda elimiz álemdegi ekonomıkasy básekege qabiletti 50 memlekettiń qataryna endi. Qazirgi ýaqytta álemniń damyǵan 30 eliniń qataryna enýdi mejelep otyrmyz. Elbasynyń bul sheshimi arqyly biz demokratııalyq, quqyqtyq, zaıyrly memleket ekenimizdi tórtkúl dúnıege dáleldep jatyrmyz. Sóz júzinde emes, is júzinde. Memleket basshysy óz erkimen Prezıdenttiń birqatar ókilettikterin Parlament pen Úkimetke berý jóninde sheshim qabyldady. Biz el qamyn oılaýdan týǵan osyndaı batyl baılamy úshin Nursultan Ábishulyna alǵys aıtýymyz kerek. Elbasy mundaı sheshimdi budan erterek qabyldasa da bolar edi. Oǵan eshkim de qarsy bolmas edi. Biraq Memleket basshysy barlyǵyn tereńnen, baıyppen, baısaldylyqpen saraptap, buǵan bizdiń qoǵamnyń, bılik qurylymdarynyń qanshalyqty daıyn ekendigin eskergen sekildi. Qoǵamnyń túbirli ózgeristerge saqadaı-saı bolýyna múmkindik bergen sııaqty. Biz bir nárseni anyq baıyptaýymyz kerek. Elbasy óziniń ókilettikteriniń birqataryn Parlament pen Úkimetke berip, olardyń jaýapkershiligin ǵana arttyryp otyrǵan joq. Qoǵamǵa, elimizdiń barsha azamattaryna memleket damýyna belsene atsalysýǵa, belsene qatysýǵa múmkindik usynyp otyr. О́ıtkeni, Parlament degenińiz – halyq. Parlamentti halyq saılaıdy. Parlament arqyly halyq óz tilegin, muń-muqtajyn jetkizedi. Sondyqtan bul iske bir atanyń balasyndaı, bir qoldyń salasyndaı qoǵam bolyp, el bolyp, judyryqtaı jumyla atsalysaıyq.
Sultan KARTOEV,
halyqaralyq «Nevada-Semeı» antııadrolyq qozǵalysynyń vıse-prezıdenti, «Parasat», «Qurmet» ordenderiniń ıegeri
Shyǵys Qazaqstan oblysy