Qyzylorda oblysynyń ákimi Qyrymbek Kósherbaev óziniń jańa keńesshisi Bolat Ramazanovty tanystyrdy.
Bolat Minaıdaruly 1968 jyly týǵan. Máskeý taý-ken ınstıtýtyn «taý-ken ınjeneri» jáne Eýrazııalyq naryq ınstıtýtyn «ekonomıst» mamandyqtary boıynsha bitirgen. Ekonomıka ǵylymdarynyń kandıdaty.
Eńbek jolyn 1990 jyly Qazaqstan Respýblıkasy Ǵylym akademııasy Taý-ken isi ınstıtýtynyń kishi ǵylymı qyzmetkeri retinde bastaǵan. 1993-2014 jyldary jeke sektor men ulttyq kompanııalarda jaýapty basshylyq qyzmetter atqarǵan. 2014 jyldyń shilde aıynan bastap osy kezge deıin «Shalqııa-Sınk LTD» aksıonerlik qoǵamynyń basqarma tóraǵasy.
Bolat Minaıdaruly óńirge ınvestorlardy tartý jáne ınvestısııalyq klımatty jaqsartý jumystarymen aınalysyp, ınvestısııalyq kelisimsharttar talaptarynyń saqtalýyna baqylaýdy júzege asyratyn bolady.