Astana aýmaǵynda «Astana Ekspo-2017» qarsańynda Eýrazııalyq Iskerı Odaǵynyń fılıaly retinde qazaqstandyq taýarlar pavılony ashyldy. Onda halyq markasy sertıfıkatyna ıe bolǵan 100 úzdik otandyq brendtiń ónimderi kópshilik nazaryna usynyldy. Atap aıtqanda, azyq-túlik, kıim-keshek, kádesyılar men jádigerler jáne t.b. ónimder satylymǵa qoıyldy.
A.j. 15 aqpan kúni Reseı men Eýropadaǵy iri agroklaster sanalatyn «Fýd Sıtı» ortalyǵynda «Halyq markasy» federasııasy men «Eýrazııalyq isker odaq» arasyndaǵy áriptestik týraly kelisimge qol qoıyldy.
Osy kúni «Eýrazııalyq isker odaq» jobasy aıasynda saýda ári kórmege laıyqtalǵan pavılondardy ashý saltanaty da ótken bolatyn. Bul kórmege Eýrazııa keńistigindegi birneshe memleket qatysqan edi. Olardyń arasynda Qazaqstannyń «Qazaqstanda jasalǵan. Halyq markasy» uıymdastyrǵan Qazaqstannyń Ulttyq pavılony halyqaralyq saýda sarapshylary tarapynan joǵary baǵa aldy.
Aıta keteıik, «Eýrazııalyq Isker Odaǵy» Eýrazııa ekonomıkalyq aýmaǵynyń Kásipkerler odaǵy 2014 jyly Eýrazııa Ekonomıkalyq Odaǵy, ShYU, BRIKS, ASEAN jáne basqa memleketter arasyndaǵy ekonomıkalyq ıntegrasııa prosesterine qoldaý kórsetý maqsatynda qurylǵan bolatyn.