Áleýmettik jeliler jalǵyzdyq sezimin týǵyzady – ǵalymdar

Getty Images

Áleýmettik jeliler, onyń ishinde «Týıtter», «Feısbýk» jáne «Instagram» - adamnyń jalǵyzdyq sezimin kúsheıtedi deıdi amerıkan psıhologtary. Bul týraly VVS jazady. Eger adam áleýmettik jelide kúnine eki saǵattan kóp otyrsa, onyń boıynda jalǵyzdyqqa ushyraý qaýpi eki óse ósedi deıdi mamandar. О́ıtkeni, áleýmettik paraqshalardaǵy adamdardyń ıdeal obrazy qyzǵanysh sezimin oıatýy múmkin. Saýalnamaǵa 19-32 jas aralyǵyndaǵy ek myń adam qatysqan. Zertteý avtorlarynyń biri, Pıttsbýrg ýnıversıtetiniń professory Elızabet Mıller jalǵyzdyqqa áleýmettik jeli sebep bolady deýge erte ekenin de aıtady. «Múmkin, jastar áýeli áleýmettik jalǵyzdyq sezimine ushyrap, sodan keıin áleýmettik jelilerge kire bastaıtyn shyǵar. Nemese áleýmettik jelide kóp otyrý real ómirden ajyraý sezimine ushyratady» deıdi ol. Pıttsbýrg ýnıversıtetiniń professory Braıan Prımaktyń aıtýynsha, qazirgi tehnologııalar qarym-qatynasty ońaılatpaıdy, kerisinshe qıyndatady. «Bylaı qaraǵanda, áleýmettik jeliler adamdardy qarym-qatynasqa jeteleıtin sııaqty kórinedi. Alaıda, bizdiń zertteý kórsetkendeı, ol problemany adamdar kútkendeı sheshe almaıdy eken» deıdi Prımak.