«Air Astana» áýekompanııasynyń Boeing-757 ushaǵy Almaty áýejaıyna sátti qondy. Áýekompanııasynyń menedjeri Tilek Ábdrahımovtiń habarlaýynsha, ekıpaj músheleri áýede tehnıkalyq sebepterge baılanysty ushaqtyń sol jaq qozǵaltqyshyn sóndirýge májbúr bolǵan. Qazirgi tańda tergeý jumystary bastaldy, dep habarlady 24.kz.
«7 naýryz kúni «Air Astana» kompanııasynyń Astana-Almaty baǵyty boıynsha KS672 reısin oryndaǵan Boıng 757-200 áýe kemesi bir qozǵaltqyshynyń isten shyǵýyna baılanysty qoný alańyn surady. Saǵat 11:00-de ushaq shtattyq rejimde Almaty áýejaıyna qondy. Ushaq bortynda 72 jolaýshy jáne 8 ekıpaj múshesi boldy», - dep habarlady Almaty halyqaralyq áýejaıynan.