Microsoft-tyń Qazaqstan men TMD aýmaǵyndaǵy bas dırektory bolyp Ronald Bınkofskı taǵaıyndaldy.
«Microsoft kompanııasy 1 sáýirden bastap Ronald Bınkofskıdi Qazaqstandaǵy bas dırektory jáne TMD-daǵy óńirlik keńsesiniń jetekshisi etip bekitti. Ol sońǵy bir jylda osy orynda bolǵan Konstantın Nazarovtyń ornyna kelip otyr", - dep jazady kompanııanyń baspasóz qyzmeti.
Ronald Bınkofskı 9 eldegi (Qazaqstan, Armenııa, Ázirbaıjan, Belarýs, Mońǵolııa, Qyrǵyzstan, Túrkmenstan, Tájikstan men О́zbekstan) kompanııanyń bıznesine jaýap beredi.
Osy ýaqytqa deıin 4 jyl boıy Ronald Bınkofskı Polshadaǵy Microsoft keńsesin basqarǵan. Al onyń aldynda 2,5 jyl Rýmynııada osyndaı jumys istegen. Bınkovskıı 10 jyldan beri osy kompanııada jumys istep keledi. О́z eńbek jolyn ol SoftwareAG kompanııasynda Ortalyq jáne Shyǵys Eýropadaǵy óńirlik menedjeri retinde bastaǵan. Onyń aldynda óz kásibimen aınalysqan.
Ronald Bınkofskı Krakovtaǵy (Polsha) Iаgelon ýnıversıtetinde qoldanbaly matematıka fakýltetin bitirgen. Sonymen qatar, INSEAD bıznes mektebinde AdvancedManagement baǵdarlamasy men Germanııada orys tilin meńgergen.